_0.png)
မြန်မာ့အာမခံလုပ်ငန်း၊ ပဲခူးတိုင်းဒေသကြီးရုံး၏ အာမခံလုပ်ငန်းအကြောင်း အသိပညာပေး ဟောပြောပွဲကို (၁၆-၁-၂၀၁၉) ရက်နေ့ နံနက် (၁၀:၀၀) နာရီတွင် ပဲခူးမြို့၊ တိုင်းစာရင်းရုံး၊ အစည်းအဝေးခန်းမတွင် ကျင်းပရာ တိုင်းစာရင်းရုံး၊ မြို့နယ်စာရင်းရုံးမှ အမှုထမ်း၊ အရာထမ်း များ စုစုပေါင်း (၁၂၀) ဦးခန့် တက်ရောက်ခဲ့ပါသည်။
အဆိုပါဟောပြောပွဲတွင် ပဲခူးတိုင်းဒေသကြီးရုံးမှ လက်ခံဆောင်ရွက်ပေးလျက်ရှိသော အာမခံ လုပ်ငန်းများအကြောင်း ရှင်းလင်းဆွေးနွေးပြောကြားခဲ့ပြီး၊ အဆိုပါလုပ်ငန်းများထဲမှ နှစ်တို ငွေပင်ငွေရင်းအသက်အာမခံလုပ်ငန်း၊ နိုင်ငံ့ဝန်ထမ်းအသက်အာမခံ (ကာလတို) လုပ်ငန်း၊ အလုံးစုံမော်တော်ယာဉ်အာမခံလုပ်ငန်း၊ မီးနှင့် အထွေထွေအာမခံလုပ်ငန်း၊ ခရီးသွားအာမခံ လုပ်ငန်းများအကြောင်း အဓိကထားရှင်းလင်းခဲ့ပြီး၊ ရရှိနိုင်မည့် အကျိုးခံစားခွင့်များနှင့် ပတ်သက်၍လည်း ရှင်းလင်းပြောကြားခဲ့ပါသည်။ ဟောပြောပွဲသို့ တက်ရောက်လာသူများမှ သိလိုသည့် မေးမြန်းဆွေးနွေးမှုများကို ပြန်လည်ရှင်းလင်းပြောကြားခဲ့ပါသည်။
