မြန်မာ့အာမခံလုပ်ငန်း၊ ရှမ်းပြည်နယ်၊ တောင်ကြီးမြို့၏ အာမခံလုပ်ငန်းအသိပညာပြန့်ပွားရေး ဟောပြောပွဲကို (၁၈-၁၂-၂၀၁၈) ရက်နေ့တွင် ရှမ်းပြည်နယ် (တောင်ပိုင်း) တောင်ကြီးမြို့နယ်၊ အေးသာယာမြို့၊ ကျန်းမာရေးနှင့် အားကစားဝန်ကြီးဌာန၊ အားကစားနှင့်ကာယပညာဦးစီး ဌာန၊ အားကစားနှင့် ကာယပညာသိပ္ပံ (တောင်ကြီး) ၌ ကျင်းပပြီးစီးခဲ့ပါသည်။

ယင်းဟောပြောပွဲတွင် ရှမ်းပြည်နယ်ရုံး၊ တောင်ကြီးမှ ပြည်နယ်တာဝန်ခံ ဒေါ်ခိုင်ခိုင်အေးက ပြည်သူ့ဝန်ထမ်းအသက်အာမခံ၊ နိုင်ငံဝန်ထမ်းအသက်အာမခံ (ကာလတို)၊ အားကစားသမား များကိုယ်အင်္ဂါထိခိုက်မှုအာမခံလုပ်ငန်းများနှင့်ပတ်သက်၍ ရှင်းလင်းဟောပြောခဲ့ပြီး၊ အားကစား ကာယပညာသိပ္ပံ (တောင်ကြီး) မှ ကျောင်းအုပ်ကြီး ဦးသက်လွင်ဦးနှင့် အရာထမ်း/အမှုထမ်း၊ နည်းပြများ၊ သင်တန်းသား/သူများ စုစုပေါင်း (၃၂၄) ဦး တက်ရောက်ခဲ့ပါသည်။