_0.png)
မြန်မာ့အာမခံလုပ်ငန်း၊ မြိတ်ခရိုင်ရုံးမှ အာမခံလုပ်ငန်း အသိပညာပြန့်ပွားတိုးတက်ရေး ဟောပြောပွဲအား (၁၃-၁၁-၂၀၁၈) ရက်နေ့ နံနက် (၁၀:၀၀)နာရီတွင် ကော့သောင်းမြို့၊ မဉ္ဇူသက ခန်းမတွင် ပြုလုပ်ခဲ့ရာ တိုင်း၊ ခရိုင်၊ မြို့နယ်အဆင့် ဌာနဆိုင်ရာ အရာထမ်း၊ ဝန်ထမ်းများနှင့် ပြည်သူများ စုစုပေါင်း (၁၀၀) ဦးခန့် တက်ရောက်ခဲ့ကြပါသည်။
ဟောပြောပွဲတွင် ခရိုင်တာဝန်ခံမှ မြန်မာ့အာမခံလုပ်ငန်းမှ ဆောင်ရွက်ပေးလျက်ရှိသည့် အာမခံ လုပ်ငန်းအမျိုးအစားများကို ရှင်းလင်းပြောကြားခဲ့ပြီး လက်ရှိဆောင်ရွက်ပေးလျက်ရှိသော နိုင်ငံ့ ဝန်ထမ်းအသက်အာမခံ (ကာလတို) နှင့် နှစ်တိုငွေပင်ငွေရင်းအာမခံ၊ သူတစ်ပါးထိခိုက်မှုအာမခံ၊ မီးအာမခံ၊ ရေ/လေခရီးသွားအာမခံလုပ်ငန်းများအကြောင်းကို အကျယ်တဝင့် ရှင်းလင်း ပြောကြားခဲ့ပါသည်။
