_0.png)
မြန်မာ့အာမခံလုပ်ငန်း၊ ကချင်ပြည်နယ်ရုံး၏ အာမခံလုပ်ငန်းအကြောင်း အသိပညာပေး ဟောပြောပွဲကို ၁၆-၆-၂၀၁၈ ရက်နေ့ နံနက် ၉:၀၀ နာရီအချိန်တွင် မြစ်ကြီးနားမြို့ ကုန်းလမ်းပို့ဆောင်ရေးညွှန်ကြားမှုဦးစီးဌာန၌ ကျင်းပရာ သင်တန်းသား/သင်တန်းသူ (၁၀၀) ဦး တက်ရောက်ခဲ့ကြပါသည်။
ဟောပြောပွဲတွင် ပြည်နယ်မြန်မာ့အာမခံလုပ်ငန်းမှ တာဝန်ရှိသူတစ်ဦးက သူတစ်ပါးထိခိုက်မှု အာမခံလုပ်ငန်းနှင့်ပတ်သက်သည့် နည်းဥပဒေကို ရှင်းလင်းပြောကြားခြင်း၊ မြန်မာ့အာမခံ ဥပဒေအရ စက်တပ်ယာဉ်ပိုင်ရှင်သည် သူတစ်ပါးထိခိုက်မှုအာမခံ မထားမနေရ ထားရှိရခြင်းများ ကိုလည်း ရှင်းလင်းဟောပြောခဲ့ပါသည်။ မီးအာမခံလုပ်ငန်းအကြောင်းနှင့် ခရီးသွားအာမခံ လုပ်ငန်းအကြောင်းတို့ကို အကျယ်တဝင့်ရှင်းလင်းဟောပြောခဲ့ပါသည်။
