မြန်မာ့အာမခံလုပ်ငန်း၊ မြောင်းမြခရိုင်ရုံး၏ အာမခံအသိပညာပြန့်ပွားရေးဟောပြောပွဲကို (၂၆-၂-၂၀၁၈)ရက်နေ့ နံနက်(၁၀:၀၀)နာရီအချိန်တွင် မြောင်းမြမြို့၊ မြောင်းမြပညာရေး ကောလိပ်တွင် ကျင်းပပြုလုပ်ရာ ပညာရေးကောလိပ် ကျောင်းအုပ်ဆရာမကြီးနှင့် ဆရာ/ဆရာမများ ကျောင်းသား/သူများ စုစုပေါင်း (၃၇၀)ဦးခန့် တက်ရောက်ကြပါသည်။ အဆိုပါ ဟောပြောပွဲတွင် ခရိုင်တာဝန်ခံ ဒေါ်စန္ဒာဇော်မင်းမှ မြောင်းမြ ခရိုင်ရုံးတွင် လက်ရှိ ဆောင်ရွက်လျက်ရှိသည့် လုပ်ငန်း(၅)မျိုးဖြစ်သော အသက်အာမခံလုပ်ငန်း၊ သူတစ်ပါးထိခိုက်မှု အာမခံလုပ်ငန်း၊ မီးအာမခံလုပ်ငန်း၊ ရေကြောင်းပို့ကုန်ပစ္စည်းအာမခံလုပ်ငန်းနှင့် ခရီးသွား အာမခံလုပ်ငန်းများအကြောင်းကို ရှင်းလင်းပြောကြားပြီး ပြည်သူ့ဝန်ထမ်းအသက်အာမခံ လုပ်ငန်းအကြောင်းကို အသေးစိတ်ရှင်းလင်းဟောပြောခဲ့ပါသည်။