စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန၊ မြန်မာ့အာမခံလုပ်ငန်း မိတ္ထီလာခရိုင်ရုံး အဆောက် အအုံသစ် ဖွင့်လှစ်ခြင်းအခမ်းအနားအား မိတ္ထီလာမြို့၊ ပေါက်ချောင်းရပ်ရှိ မိတ္ထီလာခရိုင်ရုံး၌ ၆-၁-၂၀၂၀ ရက်နေ့၊ နံနက် (၁၀:၀၀) နာရီတွင် ကျင်းပပြုလုပ်ခဲ့ပါသည်။

          အဆိုပါအခမ်းအနားသို့ စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန၊ ဒုတိယဝန်ကြီး ဦးမောင်မောင်ဝင်း၊ မန္တလေးတိုင်းဒေသကြီး အစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး ဦးမြတ်သူ၊ အာမခံလုပ်ငန်းကြီးကြပ်ရေးအဖွဲ့ အတွင်းရေးမှူး ညွှန်ကြားရေးမှူးချုပ် ဦးဇော်နိုင်၊ မြန်မာ့အာမခံ လုပ်ငန်း ဦးဆောင်ညွှန်ကြားရေးမှူး ဒေါက်တာစန္ဒာဦး၊ ဌာနဆိုင်ရာအကြီးအကဲများ၊ အရာထမ်း/ အမှုထမ်းများနှင့် ဧည့်သည်တော်များ တက်ရောက်ခဲ့ကြပါသည်။

          အခမ်းအနားတွင် ဒုတိယဝန်ကြီးက မြန်မာ့အာမခံလုပ်ငန်း မိတ္ထီလာခရိုင်ရုံး အဆောက်အအုံသစ် ကို ရေရှည်တည်တံ့စေရန် ဝန်ထမ်းများက ထိန်းသိမ်းစောင့်ရှောက်ရန် လိုအပ်ကြောင်း၊ ရုံးအဆောက် အအုံသစ် ဆောက်လုပ်ရန်နိုင်ငံတော်မှ ဘတ်ဂျက်ခွင့်ပြုငွေများချထားပေးခဲ့ပြီး နိုင်ငံတော်၏ ဝင်ငွေများ တိုးတက်ရရှိစေရန်အတွက်လည်း ဝန်ထမ်းများက ကြိုးစားဆောင်ရွက်စေလိုကြောင်း၊ မြန်မာ့အာမခံ လုပ်ငန်းသည် နိုင်ငံတော်ပိုင်တစ်ခုတည်းသောအာမခံလုပ်ငန်းဖြစ်ပြီး အခြားပုဂ္ဂလိကအာမခံမျာနည်းတူ ဝန်ဆောင်မှုများကို ဆောင်ရွက်ကြစေလိုကြောင်း ပြောကြားခဲ့ပါသည်။ ဆက်လက်၍ မြန်မာ့အာမခံ လုပ်ငန်း ဦးဆောင်ညွှန်ကြားရေးမှူးက မြန်မာ့အာမခံလုပ်ငန်းမှ လက်ရှိဆောင်ရွက်ပေးနေသော အာမခံလုပ်ငန်းများအကြောင်း ရှင်းလင်းပြောကြားခဲ့ပါသည်။

          ယခုဖွင့်လှစ်ခဲ့သော မြန်မာ့အာမခံလုပ်ငန်း မိတ္ထီလာခရိုင် ရုံးအဆောက်အအုံသစ်မှာ အလျား ၄၅ ပေ၊ အနံ ၄၁ ပေ၊ အမြင့် ၂၄ ပေ၊ အာစီနှစ်ထပ်ဖြစ်ပြီး၊ ၂၀၁၈-၂၀၁၉ ဘဏ္ဍာနှစ် ငွေလုံးငွေရင်းခွင့်ပြုငွေ ကျပ် ၈၆ ဒဿမ ၄၁၀ သန်းအနက်မှ ငွေကျပ် ၈၃ ဒဿမ ၅ သန်းဖြင့် ဆောက်လုပ်ခဲ့ခြင်း ဖြစ်ပါသည်။