စီမံကိန်းနှင့်ဘဏ္ဍာရေးဝန်ကြီးဌာန၊ ပင်စင်ဦးစီးဌာန၏ ၁၆-၁-၂၀၂၅ ရက်နေ့တွင် ကျရောက်သော (၄၉) နှစ်မြောက် နှစ်ပတ်လည်နေ့ အထိမ်းအမှတ်အဖြစ် ပင်စင်ဦးစီးဌာန၊ ဘုရားခန်းတွင် သံဃာတော် (၅) ပါးအား ညွှန်ကြားရေးမှူးချုပ် ဦးရဲညွန့်၊ ဒုတိယညွှန်ကြားရေးမှူးချုပ်၊ သက်ဆိုင်ရာ ဌာနခွဲ ညွှန်ကြားရေးမှူးများနှင့် ပင်စင်ဦးစီးဌာနရှိ ဝန်ထမ်းများမှ ဆွမ်း၊ သင်္ကန်းပရိက္ခရာနှင့် ဝတ္ထုငွေများ ဆက်ကပ်လှူဒါန်း၍ တရားတော်နာယူခဲ့ကြပါသည်။

ဆက်လက်၍ ပင်စင်နှစ်ပတ်လည်နေ့ အမှတ်တရအဖြစ် ပင်စင်ဦးစီးဌာနရှိ ဝန်ထမ်းများအနက် သင်တန်းထူးချွန်ဆု၊ လုပ်ငန်းစွမ်းဆောင်ရည်ဆု၊ ရုံးတက်မှန်ဆုနှင့် သွေးလှူရှင်ဆုများ ရရှိသည့် ဝန်ထမ်းများအား ဆုချီးမြှင့်သည့်အခမ်းအနားကို ရုံးအမှတ်(၃၄)၊ စုပေါင်းခန်းမ၌ ကျင်းပပြုလုပ်ခဲ့ပါသည်။