ပြည်တွင်းအခွန်များဦးစီးဌာန၊ ပင်စင်ဦးစီးဌာနနှင့် မြန်မာ့စီးပွားရေးဘဏ် ပူးပေါင်း၍ ပင်စင်ငွေပေးမိန့်လွှာများတွင် QR Code စနစ်ဖြင့် စိစစ်ဆောင်ရွက်မည့် လုပ်ငန်းစဉ်ဆောင်ရွက် ထားရှိမှုအား ရှင်းလင်းတင်ပြခြင်းအစည်းအဝေးအား ၂၃-၃-၂၀၂၃ ရက်နေ့ (ကြာသပတေးနေ့) ၊ နေ့လယ် (၁၂:၃၀) နာရီတွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ် (၃၄) ၊ အစည်းအဝေး ခန်းမ၌ ကျင်းပပြုလုပ်ခဲ့ပါသည်။ အစည်းအဝေးသို့ ပြည်တွင်းအခွန်များဦးစီးဌာန၊ ညွှန်ကြားရေးမှူးချုပ် ဦးမင်းထွဋ် ၊ ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်နှင့် မြန်မာ့စီးပွားရေးဘဏ်၊ အထွေထွေမန်နေဂျာ ဒေါ်ခင်ချိုဦးနှင့် တာဝန်ရှိသူများ၊ ပင်စင်ဦးစီးဌာနမှ ဒုတိယညွှန်ကြားရေးမှူးချုပ်၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ တက်ရောက်ခဲ့ ပါသည်။ အစည်းအဝေးတွင် ပြည်တွင်းအခွန်များဦးစီးဌာန၊ ညွှန်ကြားရေးမှူးချုပ် ဦးမင်းထွဋ်နှင့် ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်မှ အဖွင့်အမှာစကားပြောကြား၍ ပင်စင် ငွေပေးမိန့်လွှာများတွင် QR Code စနစ်ဖြင့် စိစစ်ဆောင်ရွက်မည့်လုပ်ငန်းစဉ် ဆောင်ရွက် ထားရှိမှုအပေါ် D.I.S Technology Co.,Ltd မှ ရှင်းလင်းတင်ပြခြင်း ဆောင်ရွက်ခဲ့ပါသည်။ ထို့နောက် အစည်းအဝေးသို့ တက်ရောက်လာကြသူများမှ သိရှိလိုသည်များ မေးမြန်း၍ ဖြည့်စွက်ဆွေးနွေးခြင်း၊ အကြံပြုမှတ်ချက်ပေးခြင်းများ ဆောင်ရွက်ခဲ့ပါသည်။ ဆက်လက်၍ ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်မှ နိဂုံးချုပ်အမှာစကားပြောကြား၍ အစည်းအဝေးကို ညနေ (၁၄:၀၀) နာရီတွင် ရုပ်သိမ်းခဲ့ပါသည်။