စီမံကိန်းနှင့်ဘဏ္ဍာရေးဝန်ကြီးဌာန
ပြည်တွင်းအခွန်များဦးစီးဌာန
ကြေညာချက်

   စီမံကိန်းနှင့်ဘဏ္ဍာရေးဝန်ကြီးဌာန၊ ပြည်တွင်းအခွန်များဦးစီးဌာနမှ ၂၀၁၇-၂၀၁၈ စည်းကြပ်နှစ်အတွက် အခွန်အများဆုံးထမ်းဆောင်သည့် အခွန်ထမ်းများရွေးချယ်ရာတွင် အခွန်အမျိုးအစားအလိုက် အခွန်အများဆုံးပေးဆောင်ခဲ့ခြင်း၊ ၂၀၁၇-၂၀၁၈ စည်းကြပ်နှစ်အတွက် စည်းကြပ်တောင်းခံသည့် အခွန်ငွေများကိုစည်းကြပ်နှစ်အတွင်း အပြေအကျေပေးဆောင်ခဲ့ခြင်း၊ အခွန်ဆိုင်ရာဥပဒေပါ ပြဋ္ဌာန်းချက်များ အညီ အခွန်အရပ်ရပ်ကြိုတင်ခွန်များကို သတ်မှတ်ထားသည့်ကာလအတွင်း မပျက်မကွက်ပေးဆောင်ခဲ့ခြင်း၊ အခွန်ဆိုင်ရာဥပဒေပါ ပြဋ္ဌာန်းချက်များအညီ ဝင်ငွေကြေညာလွှာများကို သတ်မှတ်ထားသည့် အချိန်ကာလအတွင်း အချိန်မီတင်သွင်းခဲ့ခြင်း၊ ၂၀၁၇-၂၀၁၈ စည်းကြပ်နှစ်အပါအဝင် နှစ်အဆက်ဆက်စည်းကြပ်တောင်းခံသည့် အခွန်ငွေများအားလုံးကို အခွန်ကြွေးကျန်မရှိ အပြေအကျေပေးဆောင်ခဲ့ခြင်း စသည့်အချက်များကို စိစစ်ရွေးချယ်ခဲ့ရာ ကုန်သွယ်လုပ်ငန်းခွန်၊ ဝင်ငွေခွန် နှင့် အထူးကုန်စည်ခွန် အများဆုံးထမ်းဆောင်သော မြန်မာကုမ္ပဏီ/လုပ်ငန်းရှင်များစာရင်းနှင့် နိုင်ငံခြားကုမ္ပဏီ/လုပ်ငန်းရှင်များစာရင်းအား ၂၂-၁၀-၂၀၁၈ ရက်နေ့အထိပြင်ဆင်ပြီး ထုတ်ပြန်ကြေညာခြင်းဖြစ်ပါသည်။ အသေးစိတ်အချက်အလက်များကိုသိရှိလိုပါက ပြည်တွင်းအခွန်များဦးစီးဌာန Website ဖြစ်သည့် http://www.irdmyanmar.gov.mm/my/page/588 တွင်ဝင်ရောက်ကြည့်ရှုနိုင်ပါသည်။