စီမံကိန်းနှင့်ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးမောင်မောင်ဝင်း ဦးဆောင်ပြီး စီမံကိန်းနှင့်ဘဏ္ဍာရေးဝန်ကြီးဌာန၊ အမြဲတမ်းအတွင်းဝန်၊ ပြည်ထောင်စုလွှတ်တော်ရုံး၊ မြန်မာ နိုင်ငံတော်ဗဟိုဘဏ်၊ ပြည်ထောင်စုစာရင်းစစ်ချုပ်ရုံး၊ သယံဇာတနှင့်သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာန၊ လျှပ်စစ်စွမ်းအား စီမံရေးဦးစီးဌာန၊ လျှပ်စစ်ဓာတ်အားပို့လွှတ်ရေးနှင့် ကွပ်ကဲရေးဦးစီးဌာန၊ လျှပ်စစ်ဓာတ်အား ထုတ်လုပ်ရေးလုပ်ငန်း၊ လျှပ်စစ်ဓာတ်အားဖြန့်ဖြူးရေးလုပ်ငန်း၊ ရေနံနှင့်သဘာဝဓာတ်ငွေ့ စီမံရေးဦးစီးဌာန၊  အခြေခံပညာဦးစီးဌာန၊ အဆင့်မြင့်ပညာဦးစီးဌာန၊  ပြည်သူ့ကျန်းမာရေးဦးစီး ဌာန၊ ကုသရေးဦးစီးဌာန၊ စီမံကိန်းရေးဆွဲရေးဦးစီးဌာန၊ စီမံကိန်းစိစစ်ရေးနှင့်တိုးတက်မှုအစီ အရင်ခံရေးဦးစီးဌာန၊ ဗဟိုစာရင်းအင်းအဖွဲ့၊ ငွေတိုက်ဦးစီးဌာန၊ ပြည်တွင်းအခွန်များဦးစီးဌာန၊ အကောက်ခွန်ဦးစီးဌာန၊ မြန်မာ့စီးပွားရေးဘဏ်နှင့် ရသုံးမှန်းခြေငွေစာရင်းဦးစီးဌာနတို့မှ ဌာနအကြီး အကဲများဖြင့် ဖွဲ့စည်းထားသည့် အစိုးရအသုံးစရိတ်နှင့်ဘဏ္ဍာရေး တာဝန်ယူမှုဆိုင်ရာ ဦးဆောင် ကော်မတီ (PEFA Steering Committee)  အစည်းအဝေးအား ၂၀၁၉ ခုနှစ်၊ ဧပြီလ ၁၉ ရက်နေ့ ၊ နေ့လယ် (၁:၀၀) အချိန်တွင် စီမံကိန်းနှင့်ဘဏ္ဍာရေးဝန်ကြီးဌာန၊  ရုံးအမှတ်(၃၄)၊ အစည်းအဝေး ခန်းမ၌ ကျင်းပခဲ့ကြပါသည်။ အဆိုပါအစည်းအဝေးတွင် ၂၀၁၅-၂၀၁၆ ခု၊ ဘဏ္ဍာရေးနှစ်မှ ၂၀၁၇-၂၀၁၈ခု၊ ဘဏ္ဍာရေးနှစ်အထိ ဆောင်ရွက်မည့်  ဒုတိယအကြိမ် အစိုးရအသုံးစရိတ်နှင့် ဘဏ္ဍာရေးတာဝန်ယူမှုဆိုင်ရာ အကဲဖြတ်သုံးသပ်မှုနှင့် စပ်လျဉ်း၍ ဦးဆောင်ကော်မတီ၏ မူဝါဒ၊ လမ်းညွှန်မှုကိုခံယူ၍ လက်ရှိဆောင်ရွက်နေမှုအခြေအနေများ၊ ရှေ့ဆက်လက်ဆောင်ရွက်မည့် လုပ်ငန်းစဉ်များအား ညှိနှိုင်းဆွေးနွေးရှင်းလင်းတင်ပြမှုများ ပြုလုပ်ခဲ့ကြပါသည်။