UNICEF မှ  Mr. Andrew Kardan ဦးဆောင်သော အဖွဲ့နှင့်ရသုံးမှန်းခြေငွေစာရင်းဦးစီး ဌာနမှ ညွှန်ကြားရေးမှူး ဒေါ်သိင်္ဂီဦး ဦးဆောင်သော တာဝန်ရှိပုဂ္ဂိုလ်များသည်၂၀၁၉ ခုနှစ်၊ မတ်လ ၆ ရက်နေ့၊ နံနက် (၁၀:၀၀) တွင် ရသုံးမှန်းခြေ ငွေစာရင်းဦးစီးဌာန၊ ရုံးအမှတ် (၂၆)၊ အစည်းအဝေးခန်းမ၌ တွေ့ဆုံဆွေးနွေးခဲ့ကြပါသည်။ အဆိုပါ ဆွေးနွေးပွဲတွင် UNICEF အနေဖြင့် လူမှုဝန်ထမ်းဦးစီးဌာန၏ ဘတ်ဂျက်ရေးဆွဲခြင်းလုပ်ငန်းစဉ်များ တွင် ထိရောက်သည့် အကူအညီများပေးနိုင်ရန်အတွက် ရသုံးမှန်း ခြေငွေစာရင်းဦးစီးဌာန၏ ဘတ်ဂျက်ရေးဆွဲရာတွင် လက်ရှိကျင့်သုံးနေမှုများ၊  ပြီးပြည့်စုံသည့် ဘတ်ဂျက် ရေးဆွဲမှုဖြစ်ရန် လိုအပ်သည်များ၊ Maternal and Child Cash Transfer (MCCT) နှင့် ပတ်သက်သည့် ဘတ်ဂျက်ရေးဆွဲခြင်း လုပ်ငန်းစဉ်များနှင့် စပ်လျဉ်း၍  တွေ့ဆုံဆွေးနွေးခဲ့ကြပါသည်။