3^rd Macroeconomic Management Sector Coordination Group (MMSCG) Meeting အား၂၈-၁၁-၂၀၁၈ ရက်နေ့တွင် နေပြည်တော်ရှိ Horizon Lake View Resort Hotel ၌ ကျင်းပ ခဲ့ပါသည်။ ရည်ရွယ်ချက်မှာ မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံဖြိုးတိုးတက်ရေး စီမံကိန်း(Myanmar Sustainable Development Plan-MSDP) တွင် ပါဝင်သော မေခရိုစီးပွားရေး မဏ္ဍိုင်(၁) ၊ပန်းတိုင်(၂) ၊ မဟာဗျူဟာ (၂.၁) မှ (၂.၅) အထိ  action plan များကို အကောင်အထည်ဖော် ဆောင်ရွက်မည့် မေခရိုစီမံခန့်ခွဲမှု ကဏ္ဍဆိုင်ရာ ပေါင်းစပ်ညှိနှိုင်းရေးအဖွဲ့ ( Macroeconomic Management Sector Coordination Group -MMSCG ) ၏ လုပ်ငန်းတိုးတက်မှု အခြေအနေများနှင့် စပ်လျဉ်း၍ ဆွေးနွေးရန် ဖြစ်ပါသည်။ အဆိုပါ အစည်းအဝေးသို့ စီမံကိန်းနှင့်ဘဏ္ဍာရေးဝန်ကြီးဌာန၊ ဒုတိယဝန်ကြီးများ၊ မေခရိုစီးပွားရေး စီမံခန့်ခွဲမှု ကဏ္ဍဆိုင်ရာ ပေါင်းစပ်ညှိနှိုင်းရေး အဖွဲ့အောက်ရှိ မြန်မာနိုင်ငံတော်ဗဟိုဘဏ် နှင့် စီမံကိန်းနှင့် ဘဏ္ဍာရေးဝန်ကြီးဌာနတို့ ပေါင်းစပ်ညှိနှိုင်းရေးလုပ်ငန်းအဖွဲ့၊  နှစ်လတ်ဘဏ္ဍာရေးမူဘောင် အဖွဲ့၊ ရငွေဆိုင်ရာ ဆန်းစစ်ရေးအဖွဲ့၊ အသုံးစရိတ်ဆိုင်ရာ စီမံခန့်ခွဲရေးအဖွဲ့နှင့် ဘဏ္ဍာငွေဖြည့်ဆည်းရေး နှင့်ဆုံးရှုံးနိုင်ခြေ စီမံခန့်ခွဲရေးအဖွဲ့တို့မှ အဖွဲ့ခေါင်းဆောင်များနှင့် အဖွဲ့ဝင်များ၊ ဖွံ့ဖြိုးမှုမိတ်ဖက်အဖွဲ့ အစည်းများဖြစ်သည့် EU ၊World Bank၊ IMF၊ JICA၊ DFID၊ DFAT၊ Denmark ၊UNDP ၊ADB၊ UNICEF တို့ တက်ရောက်ခဲ့ကြပါသည်။