IMF မှ GFS Project Manager ဖြစ်သူ Mr. Bansati နှင့် GFS Advisor ဖြစ်သူ Mr, Kanada တို့ဦးဆောင်သော GFS TA Mission အား ရသုံးမှန်းခြေငွေစာရင်းဦးစီးဌာနမှ GFS အဖွဲ့ဝင်များမှ ၁-၁၀-၂၀၁၈ ရက်နေ့မှ ၂-၁၀-၂၀၁၈ ရက်နေ့အထိ လက်ခံတွေ့ဆုံ၍ ၂၀၁၈ ခုနှစ်၊ ဧပြီလမှ ဇွန်လ အထိ (၃) လပတ် ပြည်ထောင်စု၊ တိုင်းဒေသကြီး/ ပြည်နယ်နှင့် နိုင်ငံတော်ပိုင် စီးပွားရေးအဖွဲ့ အစည်းများ၊ လူမှုဖူလုံရေးရန်ပုံငွေဆိုင်ရာ ကိန်းဂဏန်းအချက်အလက်များအား GFS နည်းဖြင့် ပေါင်းချုပ်ခြင်း၊ ၂၀၁၈-၂၀၁၉၊ ဘဏ္ဍာရေးနှစ် မူလခန့်မှန်းခြေစာရင်းဆိုင်ရာ ကိန်းဂဏန်းအချက် အလက်များ Update ပြုလုပ်ခြင်းနှင့် ၂၀၁၇-၂၀၁၈ ခု ဘဏ္ဍာရေးနှစ် ယာယီအမှန်စာရင်းဆိုင်ရာ ကိန်းဂဏန်း အချက်အလက်များအား ပြန်လည်သုံးသပ်ခြင်းဆိုင်ရာ ကိစ္စရပ်များအား ဆွေးနွေးခဲ့ကြ ပါသည်။

ထို့ပြင် GFS TA Mission သည် ၃-၁၀-၂၀၁၈ ရက်နေ့တွင် မြန်မာနိုင်ငံတော်ဗဟိုဘဏ်၊ မြန်မာ့စီးပွားရေးဘဏ်၊ စီမံကိန်းရေးဆွဲရေးဦးစီးဌာန၊ ရသုံးမှန်းခြေငွေစာရင်းဦးစီးဌာန၊ ငွေတိုက် ဦးစီးဌာနမှ GFS အဖွဲ့ဝင်များနှင့်  workshop ပြုလုပ်၍ IMF မှ မြန်မာနိုင်ငံဆိုင်ရာဌာနေ ကိုယ်စားလှယ်ဖြစ်သူ Mr.Ojima မှ ၂၀၁၇-၂၀၁၈ ခု၊ ဘဏ္ဍာရေးနှစ်၏ ရှေ့ပြေးအမှန်စာရင်း ရရှိနိုင်မှုအခြေအနေကိုလည်းကောင်း၊ Mr.Basanti မှ မြန်မာနိုင်ငံ၏ GFS ဆိုင်ရာ ၂၀၁၄ ခုနှစ်၏ Analytical Framework ကိုလည်းကောင်း၊ Mr.Kanada မှ စာရင်းပေါင်းချုပ်ခြင်းကြောင့် Data accuracy တိုးတက်မှုအခြေအနေများ၊ ငွေတိုက်အကြံပေးဖြစ်သူ Ms. Chita Marzan မှ GFS Report အတွက် စာရင်းရေးဆွဲခြင်းဆိုင်ရာပြုပြင်ပြောင်းလဲမှုများနှင့်ပတ်သက်၍ Presentation ပြုလုပ်ပြီးဆွေးနွေးခဲ့ကြပါသည်။