စီမံကိန်းနှင့်ဘဏ္ဍာရေးဝန်ကြီးဌာန၊ ရသုံးမှန်းခြေငွေစာရင်းဦးစီးဌာန၏ ဆန္ဒဖော်ထုတ်ပွဲ(ဒါဘာ)အခမ်း အနားကို ၈-၁၀-၂၀၁၈ ရက်နေ့ မွန်းလွဲ ၁:၀၀ နာရီတွင် Learning Center ခန်းမ၌ ကျင်းပပြုလုပ်ခဲ့ရာ ရသုံးမှန်းခြေငွေစာရင်းဦးစီးဌာနမှ အရာထမ်း၊ အမှုထမ်း(၂၀၁) ဦး တက်ရောက်ခဲ့ပါသည်။ ဆန္ဒဖော်ထုတ်ပွဲတွင် ညွှန်ကြားရေးမှူးချုပ် ဒေါ်နွဲ့နွဲ့ဝင်းက အဖွင့်အမှာစကားပြောကြားခဲ့ပါသည်။ ထို့နောက် ဌာနမှ ဝန်ထမ်းသားသမီးများဖြစ်သော ၂၀၁၇-၂၀၁၈ ခု၊ ပညာသင်နှစ်၊ တက္ကသိုလ်ဝင်တန်းစာမေးပွဲတွင် (၆)ဘာသာဂုတ်ထူးဖြင့် အောင်မြင်ခဲ့သော မောင်ဝေယံမျိုးမြတ်နှင့် ရိုးရိုးအောင်မြင်ခဲ့သော  မစုစန္ဒီထွန်းတို့ကို ဆုချီးမြှင့်ခဲ့ပါသည်။ ဆက်လက်၍ ဗဟိုဝန်ထမ်းတက္ကသိုလ်(အထက်မြန်မာပြည်)၊ အရာထမ်းငယ်အခြေခံသင်တန်းအမှတ်စဉ်(၄၂)တွင် စံပြဆုရရှိခဲ့သော ဒေါ်အိဇင်မွှေး အား ဆုချီးမြှင့်ခဲ့ပါသည်။  ထို့နောက် ဝန်ထမ်းများ ဆန္ဒထုတ်ဖော်ခြင်း၊ အထက်ဌာနညွှန်ကြားချက်များဖတ်ကြားရှင်းလင်းခြင်းနှင့် Fical Policy and EITI ဌာနခွဲမှ လက်ထောက်ညွှန်ကြားရေးမှူး ဒေါ်ခင်ပပခိုင်က JDS ပညာသင်ဆု အစီအစဉ်အရ ဂျပန်နိုင်ငံတွင် Public Administration Course သင်တန်းတက်ရောက်ခဲ့မှု အခြေအနေများ ရှင်းလင်းမျှဝေခြင်းစသည်တို့ကို အစီအစဉ်အလိုက် ကျင်းပခဲ့ပါသည်။ ထို့နောက် ညွှန်ကြားရေးမှူးချုပ်က နိဂုံးချုပ် အမှာစကားပြောကြားခဲ့ပြီး မွန်းလွဲ ၁:၄၅ နာရီတွင် အခမ်းအနားကို ရုတ်သိမ်းခဲ့ပါသည်။