IMF SEE  မစ်ရှင်သည်  နိုင်ငံတော်ပိုင်စီးပွားရေးအဖွဲ့အစည်းများ၏ ဘဏ္ဍာရေးရှုမြင် သုံးသပ် ချက်များ ခိုင်မာစေရေးအတွက် Capacity Development (CD) ထောက်ပံ့ပေးရန်  စီမံကိန်း၊ ဘဏ္ဍာရေးနှင့် စက်မှုဝန်ကြီးဌာနနှင့် ပူးပေါင်း၍ State Economic Enterprises Workshop အား ၂၀၂၀ ပြည့်နှစ်၊ ဖေေဖာ်ဝါရီလ ၄ ရက်နေ့တွင် နေပြည်တော် ၊ Kempinski Hotel ၌ ကျင်းပပြုလုပ်ခဲ့ ပါသည်။ အဆိုပါ အလုပ်ရုံဆွေးနွေးပွဲတွင် ရသုံးမှန်းခြေငွေစာရင်းဦးစီးဌာနမှ နိုင်ငံတော်ပိုင်စီးပွားရေး အဖွဲ့အစည်းများ၏ သာမန်အသုံးစရိတ်များနှင့် ပတ်သက်၍ လည်းကောင်း၊ စီမံကိန်းရေးဆွဲရေးဦးစီးဌာန မှ နိုင်ငံတော်ပိုင်စီးပွားရေးအဖွဲ့အစည်းများ၏ ငွေလုံးငွေရင်းအသုံးစရိတ်များနှင့် ပတ်သက်၍ လည်းကောင်း တင်ပြဆွေးနွေးခဲ့ပါသည်။ ထို့အပြင် IMF SEE မစ်ရှင်မှ နိုင်ငံတော်ပိုင်စီးပွားရေးအဖွဲ့အစည်းများအပေါ် ဘဏ္ဍာရေးဆိုင်ရာ စောင့်ကြည့်ထိန်းကျောင်းမှု၊ ဉပဒေနှင့်အဖွဲ့အစည်းမူဘောင်များ၊ အခြားနိုင်ငံများ၏ အတွေ့အကြုံများ အပါအဝင် မစ်ရှင်လာရောက်စဉ်တွေ့ရှိခဲ့သည့် နိုင်ငံတော်ပိုင်စီးပွားရေး အဖွဲ့အစည်း များ၏ ကနဦးတွေ့ရှိချက်များအား ရှင်းလင်းတင်ပြ ဆွေးနွေးခဲ့ပါသည်။

အဆိုပါအလုပ်ရုံဆွေးနွေးပွဲ၌  စီမံကိန်း၊ဘဏ္ဍာရေးနှင့်စက်မှုဝန်ကြီးဌာန၊ ရသုံးမှန်းခြေငွေစာရင်း ဦးစီးဌာနမှ ညွှန်ကြားရေးမှူးချုပ်  ဒေါ်သီတာထွန်း နှင့် IMF ၏ မြန်မာနိုင်ငံဆိုင်ရာ ဌာနေကိုယ်စားလှယ် ဖြစ်သူ Mr.Neil Saker တို့က အဖွင့်အမှာစကားပြောကြားခဲ့ပြီး ပြည်သူ့လွှတ်တော်၊ ပြည်သူ့ငွေစာရင်း ပူးပေါင်းကော်မတီအဖွဲ့ဝင်များ၊ နိုင်ငံတော်ပိုင်စီးပွားရေးအဖွဲ့အစည်းများမှကိုယ်စားလှယ်များ အပါအဝင် (၂၉) ဦးတက်ရောက်ခဲ့ပါသည်။