စီမံကိန်းနှင့်ဘဏ္ဍာရေးဝန်ကြီးဌာနသည် အစိုးရဌာန၊ အဖွဲ့အစည်းများ၏ ပြည်သူ့ဘဏ္ဍာရေး စီမံခန့်ခွဲမှု ပိုမိုအားကောင်းလာစေရန်အတွက်  ဂျပန်နိုင်ငံ၊ ဘဏ္ဍာရေးဝန်ကြီးဌာန အောက်ရှိ Policy Research Institute (PRI) နှင့် ပူးပေါင်း၍ “2^nd Seminar on Public Expenditure Management” ကို ၂၀၁၉ ခုနှစ်၊ သြဂုတ်လ (၅) ရက်နေ့တွင် စီမံကိန်းနှင့်ဘဏ္ဍာရေးဝန်ကြီး ဌာန၊ ရုံးအမှတ် (၃၄) ၌ ကျင်းပပြုလုပ်ခဲ့ရာ စီမံကိန်းနှင့်ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးမောင်မောင်ဝင်းတက်ရောက်၍ အဖွင့်အမှာစကား ပြောကြားခဲ့ပါသည်။ အဆိုပါ seminar သို့ ပြည်သူ့ဘဏ္ဍာရေးစီမံခန့်ခွဲမှုခေတ်မီဖွံ့ဖြိုးတိုးတက်ရေးစီမံကိန်း အကောင်အထည်ဖော်ဆောင်ရွက် နေသည့် ဌာနအဖွဲ့အစည်းများမှ တာဝန်ရှိသူများ၊ နိုင်ငံတော်၏ ဦးစားပေးကဏ္ဍဆိုင်ရာ ဌာန အဖွဲ့အစည်းများမှ တာဝန်ရှိသူများ၊ အသုံးစရိတ်သုံးစွဲမှုပမာဏ ကြီးမားသော ဝန်ကြီးဌာနများမှ တာဝန်ရှိသူများနှင့် ရသုံးမှန်းခြေငွေစာရင်းဦးစီးဌာနတို့မှ အရာထမ်း/ အမှုထမ်းများ စုစုပေါင်း  (၉၀) ဦးခန့် တက်ရောက်ခဲ့ကြပါသည်။

          အဆိုပါ seminar တွင် Policy Research Institute (PRI) မှ Japanese Legal Framework for Budget Issues and Budget Monitoring ကိုလည်းကောင်း၊  Evaluation Process and Medium Term commitment Budget Procedure in Japan ကိုလည်းကောင်း၊  Japanese Accounting System and Affairs  ကိုလည်းကောင်း စသည့် ဂျပန်နိုင်ငံ၏ အတွေ့ အကြုံများကို မျှဝေခဲ့ကြပြီး တက်ရောက်လာကြသူများမှ သိရှိလိုသည်များကို ဆွေးနွေးမေးမြန်း ခြင်းများ ပြုလုပ်ခဲ့ကြပါသည်။