စီမံကိန်းနှင့်ဘဏ္ဍာရေးဝန်ကြီးဌာန၊ ရသုံးမှန်းခြေငွေစာရင်းဦးစီးဌာန၊ဒုတိယညွှန်ကြားရေး မှူးချုပ် ဦးခင်မောင်လွင် ဦးဆောင်သော အဖွဲ့နှင့် ကမ္ဘာ့ဘဏ်မှ Ms. Donna Andrews ဦးဆောင် သော PFM Capacity Building မစ်ရှင်အဖွဲ့တို့သည် ၂၀၁၉ ခုနှစ် ၊ ဇွန်လ (၃) ရက်နေ့၊ နံနက်(၁၀:၀၀) နာရီ အချိန်တွင် ရသုံးမှန်းခြေငွေစာရင်းဦးစီးဌာန ၊ ရုံးအမှတ်(၂၆) ၊ အစည်းအဝေး ခန်းမ၌ Technical Note on PFM Capacity Building ဆောင်ရွက်ရေးနှင့် ပတ်သက်၍ တွေ့ဆုံ ဆွေးနွေးခဲ့ပါသည်။ အဆိုပါ ဆွေးနွေးပွဲတွင် ကမ္ဘာ့ဘဏ်မှ မစ်ရှင်လာရောက်သည့် ရည်ရွယ်ချက်၊  မစ်ရှင်အဖွဲ့မှ ဆောင်ရွက်မည့် လုပ်ငန်းစဉ်များအား ရှင်းလင်းတင်ပြခဲ့ပြီး  မစ်ရှင်အဖွဲ့မှ သိရှိလို သည့် ရသုံးမှန်း ခြေငွေစာရင်းဦးစီးဌာန၏လုပ်ငန်းတာဝန်များ၊ ဝန်ထမ်းရေးရာစီမံခန့်ခွဲမှု ၊ ဝန်ထမ်းများ၏ လုပ်ငန်းစွမ်းဆောင်ရည်အကဲဖြတ်မှု ၊ ဝန်ထမ်းများ၏ လုပ်ငန်းစွမ်းဆောင်ရည်မြှင့်တင် ရေးအတွက် သင်တန်းပို့ချပေးမှု စသည်တို့နှင့်စပ်လျဉ်း၍ ရသုံးမှန်းခြေငွေစာရင်းဦးစီး ဌာန၊ ဒုတိယ ညွှန်ကြားရေးမှူးချုပ် ဦးဆောင်သောအဖွဲ့မှ ရှင်းလင်းဖြေကြားခဲ့ပါသည်။ Technical Note on PFM Capacity Building အတွက်ရှေ့ဆက်လက်၍ ရသုံးမှန်းခြေငွေစာရင်းဦးစီးဌာန၊ ငွေတိုက်ဦးစီး ဌာန၊ စီမံကိန်းရေးဆွဲရေးဦးစီးဌာန၊ စီမံကိန်းစိစစ်ရေးနှင့် တိုးတက်မှုအစီရင်ခံရေး ဦးစီးဌာနတို့တွင် staff survey များ ပြုလုပ်သွားမည်ဖြစ်ပြီး ၂၀၁၉ ခုနှစ်၊ ဒီဇင်ဘာလတွင် Final report ထွက်ရှိနိုင် မည်ဟု ခန့်မှန်းထားပါကြောင်း ကမ္ဘာ့ဘဏ်မှ ပြောကြားခဲ့ပါသည်။