ရန်ကုန်စီးပွားရေးတက္ကသိုလ်၊ ဖွံ့ဖြိုးမှုပညာဌာနမှ ဖွံ့ဖြိုးမှုပညာ ဘွဲ့တက်ရောက်နေသော ကျောင်းသူ/ကျောင်းသားများနှင့်ရန်ကုန် နိုင်ငံခြားဘာသာတက္ကသိုလ်မှ ပြင်သစ်ဘာသာဝိဇ္ဇာ ဘွဲ့ကြို တက်ရောက်နေသော ကျောင်းသူ/ကျောင်းသားများအား လုပ်ငန်းသဘောတရား များကို နားလည်ပြီး အလုပ်ခွင်တွင် အဆင်ပြေစွာလုပ်ကိုင်နိုင်ရန်၊ လုပ်ငန်းကျွမ်းကျင်ရန် ၊ ပေါင်းသင်း ဆက်ဆံမှု ကောင်းမွန်ရန် စသည့် ရည်ရွယ်ချက်များဖြင့် ဖွင့်လှစ်ခဲ့သည့် တစ်လကြာ လုပ်ငန်းခွင် လက်တွေ့လေ့လာရေး သင်တန်း ပိတ်ပွဲအခမ်းအနားကို ၂၀၁၈ ခုနှစ် မေလ ၃၁ ရက်နေ့ နံနက် (၁၀) နာရီတွင်ရန်ကုန်(ရုံးချုပ်) ၌ ကျင်းပခဲ့ရာ ဒုတိယညွှန်ကြားရေးမှူးချုပ် ဦးသန့်စင်လွင်မှ အဖွင့်အမှာစကား ပြောကြားခဲ့ပါသည်။ အဆိုပါ အခမ်းအနားသို့ ဒုတိယ ညွှန်ကြားရေးမှူးချုပ် ဦးသန့်စင်လွင်၊ ဌာနခွဲများမှ ညွှန်ကြားရေးမှူး များနှင့် လုပ်ငန်းခွင် လက်တွေ့လေ့လာရေး ပြုလုပ်ခဲ့သည့် ကျောင်းသား ကျောင်းသူများအပါအဝင် စုစုပေါင်း (၄၂) ဦး တက်ရောက်ခဲ့ပါသည်။