ဗဟိုစက်ပစ္စည်းစာရင်းအင်းနှင့်စစ်ဆေးရေးဦးစီးဌာနမှ အလယ်အလတ်အဆင့်ကွန်ပျူတာ သင်တန်းအမှတ်စဉ် (၁/၂၀၁၇) သင်တန်းဆင်းပွဲအခမ်းအနားကို (၂.၄.၂၀၁၈) ရက်နေ့ (၁၃:၀၀) နာရီတွင် ရုံးအမှတ် (၃၂)၊ အစည်းအဝေးခန်းမ၊ နေပြည်တော်၌ ကျင်းပခဲ့ပါသည်။ အခမ်းအနား တွင်ညွှန်ကြားရေးမှူးချုပ် ဦးဟန်ဝင်းအောင်မှ သင်တန်းဆင်းမိန့်ခွန်း ပြောကြားခဲ့ပါသည်။ ထို့နောက် ညွှန်ကြားရေးမှူးချုပ်နှင့် ဒုတိယညွှန်ကြားရေးမှူးချုပ်များမှ သင်တန်းတွင် ထူးချွန်ဆု ရရှိသူ(၃)ဦးအား ဆုများ ပေးအပ်ချီးမြှင့်ပြီး Soft iT Asia Co,.Ltd မှ Project Manager ဒေါ်ဟေမာန်ကျော်မှ သင်တန်းဆင်းလက်မှတ်များကို ပေးအပ်ခဲ့ပါသည်။

အခမ်းအနားသို့ ဦးစီးဌာနမှ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ အရာထမ်း၊ အမှုထမ်းများနှင့် သင်တန်းသား/ သင်တန်းသူများ တက်ရောက်ခဲ့ပါသည်။

အဆိုပါသင်တန်းကို (၂၈.၁၂.၂၀၁၇) ရက်နေ့မှစ၍ (၈) ပတ်ကြာ သင်ကြားခဲ့ပြီး ဌာနမှ  သင်တန်းသား၊ သင်တန်းသူ (၁၂)ဦး တက်ရောက်ခဲ့ပါသည်။