စီမံကိန်းနှင့်ဘဏ္ဍာရေးဝန်ကြီးဌာန၊ အမြဲတမ်းအတွင်းဝန် ဦးထွန်းထွန်းနိုင်သည် ၃-၉-၂၀၁၈ ရက်နေ့ မွန်းလွဲ (၁) နာရီတွင် Korea International Cooperation Agency (KOICA) (ရန်ကုန်ရုံးခွဲ) မှ  ဌာနေကိုယ်စားလှယ်ချုပ်အဖြစ် ၂၀၁၈ ခုနှစ်၊ သြဂုတ်လ ၂ ရက်နေ့မှစတင်၍ တာဝန် ထမ်းဆောင်နေသည့် Ms. LEE Youn Soo နှင့် ကိုယ်စားလှယ်အဖွဲ့အား နေပြည်တော်၊ စီမံကိန်းနှင့်ဘဏ္ဍာရေးဝန်ကြီး ဌာန(ရုံးအမှတ်-၁) ရှိ အမြဲတမ်းအတွင်းဝန်၏ရုံးခန်း၌ လက်ခံတွေ့ဆုံခဲ့သည်။

ထိုသို့တွေ့ဆုံရာတွင် စီမံကိန်းနှင့်ဘဏ္ဍာရေးဝန်ကြီးဌာနနှင့် KOICA တို့အကြား ကောင်းမွန်သော ဆက်ဆံရေးအား ထပ်မံတိုးမြှင့်ရန်၊ KOICA မှ မြန်မာနိုင်ငံအား ၂၀၂၀ ခုနှစ်တွင် ပေးအပ်မည့် အကူအညီ စီမံကိန်းများ (2020 KOICA Grant Projects) ကိစ္စနှင့် World Friend Korea - WFK ကိုရီးယားလုပ်အားပေးများကိစ္စနှင့် စပ်လျဉ်း၍ ရင်းနှီးစွာ ဆွေးနွေးခဲ့ကြသည်။