အီးယူ၏ အထောက်အပံ့ဖြင့် GOPA Worldwide Consultants အဖွဲ့မှ အကောင်အထည် ဖော် ဆောင်ရွက်လျက်ရှိသော Institutional Strengthening and Policy Dialogue Support (My Governance) စီမံချက်၏ တတိယအကြိမ် စီမံချက် ဦးဆောင်ကော်မတီ အစည်းအဝေးကို ၂၅-၆-၂၀၁၈ ရက်နေ့ နံနက် ၁၀ နာရီမှ နေ့လယ် ၁နာရီအထိ စီမံကိန်းနှင့် ဘဏ္ဍာရေးဝန်ကြီးဌာန ရုံးအမှတ် (၁) အစည်းအဝေးခန်းမ၌ ကျင်းပပြုလုပ်ခဲ့ပါသည်။

အစည်းအဝေးကို နိုင်ငံခြားစီးပွားဆက်သွယ်ရေးဦးစီးဌာန၊ ဒုတိယညွှန်ကြားရေးမှူးချုပ် ဦးထွန်းဇော်နှင့်  မြန်မာနိုင်ငံဆိုင်ရာ အီးယူရုံးမှ Deputy Head of Cooperation ဖြစ်သူ  Mr. Pedro Campo Llopis တို့မှ ဦးဆောင်ကျင်းပခဲ့ပြီး My Governance စီမံချက်ကို အကောင်အထည်ဖော် ဆောင်ရွက်သည့် မြန်မာနိုင်ငံဆိုင်ရာ GOPA Worldwide Consultants အဖွဲ့ရုံး၏ Team Leader ဖြစ်သူ Dr. Manzoor Alam နှင့် အဖွဲ့၊ သက်ဆိုင်ရာဌာနများမှ ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်များနှင့် အရာထမ်းများ၊ ကိုယ်စားလှယ် စုစုပေါင်း ၃၀ ဦးခန့် တက်ရောက်ခဲ့ပါသည်။

အစည်းအဝေးတွင် My Governance စီမံချက်နှင့် စပ်လျဉ်းသည့် ဆောင်ရွက်ပြီး လုပ်ငန်းစဉ်များ၊ ရှေ့ဆက်လက် ပူးပေါင်းဆောင်ရွက်ရန်ကိစ္စရပ်များနှင့် စီမံချက်သက်တမ်း တိုးမြှင့်ရေးဆိုင်ရာ ကိစ္စရပ်များကို  အဓိကထား ဆွေးနွေးခဲ့ပါသည်။