ဆွစ်ဇာလန်နိုင်ငံ၏ မြန်မာနိုင်ငံဖွံ့ဖြိုးတိုးတက်ရေး ပူးပေါင်းဆောင်ရွက်မှု မဟာဗျူဟာ  ၂၀၁၉-၂၀၂၃ (Swiss Cooperation Strategy for Myanmar 2019-2023) ဆိုင်ရာ ညှိနှိုင်း ဆွေးနွေးပွဲကို ၁၄-၆-၂၀၁၈ ရက်နေ့ နံနက် ၀၉:၀၀ နာရီအချိန်တွင် နေပြည်တော် ဟိုတယ်ဇုန်ရှိ M-Gallery ဟိုတယ်၌ ကျင်းပခဲ့ပါသည်။

အဆိုပါ ညှိနှိုင်းအစည်းအဝေးသို့ စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးဆက အောင်၊ သက်ဆိုင်ရာဌာနများမှ ညွှန်ကြားရေးမှူးချုပ်များ၊ ဒုတိယညွှန်ကြားရေးမှူး ချုပ်များနှင့် အဆင့်မြင့်အရာရှိများ၊ ရန်ကုန်မြို့ရှိ မြန်မာနိုင်ငံဆိုင်ရာ ဆွစ်ဇာလန်နိုင်ငံသံရုံးမှ  သံရုံးယာယီတာဝန်ခံ  Mr. Giacomo Solari  နှင့် တာဝန်ရှိပုဂ္ဂိုလ်များ၊ စုစုပေါင်းကိုယ်စား လှယ် (၆၀) ဦးခန့် တက်ရောက်ခဲ့ပါသည်။

ညှိနှိုင်းအစည်းအဝေးတွင် စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးဆက်အောင်နှင့် သံရုံးယာယီတာဝန်ခံ Mr. Giacomo Solari တို့မှ အဖွင့်အမှာစကား ပြောကြားခဲ့ပြီး Myanmar Sustainable Development Plan နှင့် Development Assistance Policy ကို စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီးမှ လည်းကောင်း Swiss Cooperation Strategy for Myanmar 2019-2023 ကို Mr. Giacomo Solari ဦးဆောင်သည့်အဖွဲ့မှ လည်းကောင်း ရှင်းလင်းဆွေးနွေးခဲ့ပါသည်။ ဆက်လက်၍ Swiss Cooperation Strategy for Myanmar 2019-2023 အပေါ် သက်ဆိုင်ရာဌာနများ၏ သဘောထားအမြင်များ၊ ဝေဖန် အကြံပြုချက်များကို တင်ပြဆွေးနွေးခဲ့ကြပြီး ညှိနှိုင်းဆွေးနွေး ပွဲကို မွန်းလွဲ ၁ နာရီ ၃၀ အချိန်တွင် ရုပ်သိမ်းခဲ့ပါသည်။