ပြည်ထောင်စုသမ္မတ မြန်မာနိုင်ငံတော်အစိုးရနှင့် နယူးဇီလန်နိုင်ငံ အစိုးရ တို့အကြား ဖွံ့ဖြိုးမှု ပူးပေါင်းဆောင်ရွက်ရေးဆိုင်ရာ ပူးတွဲကတိကဝတ်ပြုချက် (၂၀၁၇-၂၀၂၁) လက်မှတ်ရေးထိုးပွဲ အခမ်းအနားကို ၂၁-၁၁-၂၀၁၇ ရက်နေ့ ညနေ ၁၆:၃၀ နာရီတွင် စီမံကိန်းနှင့်ဘဏ္ဍာရေး ဝန်ကြီး ဌာန၊ ရုံးအမှတ်(၁) အစည်းအဝေးခန်းမ၌ ကျင်းပခဲ့ပါသည်။ အခမ်းအနားသို့ စီမံကိန်းနှင့် ဘဏ္ဍာရေးဝန်ကြီးဌာန ဒုတိယဝန်ကြီး ဦးဆက်အောင်၊ စိုက်ပျိုး ရေး၊ မွေးမြူရေးနှင့် ဆည်မြောင်းဝန်ကြီးဌာန၊ လျှပ်စစ်နှင့် စွမ်းအင်ဝန်ကြီးဌာန၊ ပညာရေး ဝန်ကြီးဌာန၊ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ စီမံကိန်း နှင့် ဘဏ္ဍာရေး ဝန်ကြီးဌာနများမှ အဆင့်မြင့်အရာရှိကြီးများ၊ နယူးဇီလန်နိုင်ငံဘက်မှ Parliamentary Undersecretary of Foreign Affairs ဖြစ်သူ H.E. Mr. Fletcher Tabuteau၊ မြန်မာနိုင်ငံ ဆိုင်ရာ နယူးဇီလန်သံအမတ်ကြီး H.E. Mr. Steve Marshall နှင့် နယူးဇီလန်သံရုံးမှ တာဝန်ရှိ သူများ တက်ရောက်ခဲ့ကြပါသည်။

အခမ်းအနားတွင် ပြည်ထောင်စုသမ္မတ မြန်မာနိုင်ငံတော်အစိုးရ နှင့် နယူးဇီလန်နိုင်ငံအစိုးရတို့ အကြား ဖွံ့ဖြိုးမှုပူးပေါင်းဆောင်ရွက်ရေးဆိုင်ရာ ပူးတွဲကတိကဝတ် ပြုချက် (၂၀၁၇-၂၀၂၁)ကို စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီးဦးဆက်အောင်နှင့် မြန်မာနိုင်ငံ ဆိုင်ရာ နယူး ဇီလန်သံအမတ်ကြီး H.E. Mr. Steve Marshall တို့က လက်မှတ်ရေး ထိုးခဲ့ကြသည်။ အဆိုပါ ပူးတွဲကတိကဝတ်ပြုချက်အရ မြန်မာနိုင်ငံ၏ ဦးစားပေးနယ်ပယ်များဖြစ်သည့် စိုက်ပျိုး ရေး၊ အသိပညာနှင့် ကျွမ်းကျင်မှု၊  ပြည့်ဖြိုးမြဲစွမ်းအင်၊ ဘေးအန္တရာယ်ကြောင့် ထိခိုက် ဆုံးရှုံးနိုင်ခြေ စီမံခန့်ခွဲမှုအစရှိသည့် နယ်ပယ်များတွင် စဉ်ဆက်မပြတ် ဖွံ့ဖြိုး တိုးတက်ရေး အတွက် နယူးဇီလန်နိုင်ငံမှ အထောက်အကူပြုပူးပေါင်းဆောင်ရွက်ခြင်းနှင့် စွမ်းဆောင်ရည် မြှင့်တင်ရေးဆိုင်ရာ သင်တန်းများနှင့် ပညာသင်ဆုများပေးအပ်သွားမည်ဖြစ်ပါသည်။