စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းစိစစ်ရေးနှင့်တိုးတက်မှုအစီရင်ခံရေးဦးစီးဌာန၏ “၂၀၂၄ ခုနှစ်၊ မြန်မာ့ရိုးရာနှစ်သစ်ကူးမဟာသင်္ကြန်ပွဲတော်အကြို ကံစမ်းမဲနှိုက်၍ ဆုလက်ဆောင်များ မဲဖောက်ပေးခြင်း အခမ်းအနား” ကျင်းပပြုလုပ်ခြင်း

နေပြည်တော် (၂၀၂၄ ခုနှစ်၊ ဧပြီလ ၃၀ ရက်)

         ၁၂-၄-၂၀၂၄ ရက်နေ့တွင် စီမံကိန်းနှင့် ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီးရုံး (ရုံးအမှတ်-၂၆) ၌ ကျင်းပပြုလုပ်ခဲ့သည့် ၂၀၂၄ ခုနှစ်၊ ဝန်ကြီးဌာန မြန်မာ့ရိုးရာနှစ်သစ်ကူး မဟာသင်္ကြန်အကြို ပျော်ပွဲရွှင်ပွဲ အခမ်းအနားတွင် ဝန်ကြီးဌာနအောက်ရှိ ဌာနများအား ကံစမ်းမဲများနှိုက်၍ ဆုလက်ဆောင်ပစ္စည်းများ ပေးအပ်ခြင်းအစီအစဉ်ကို ထည့်သွင်းကျင်းပခဲ့ပါသည်။ အဆိုပါ အခမ်းအနားတွင် စီမံကိန်းစိစစ်ရေးနှင့်တိုးတက်မှုအစီရင်ခံရေးဦးစီးဌာန အနေဖြင့် ကံစမ်းမဲ ဆုမဲ အမှတ်စဉ် (၄) [ပစ္စည်း(၈)မျိုး] အား ပေါက်မဲအဖြစ် လက်ခံရရှိခဲ့ပါသည်။ အဆိုပါဆုပစ္စည်းများကို ဌာနရှိဝန်ထမ်းများအား ကံစမ်းမဲနှိုက်၍ မဲပေါက်သူများထံသို့ လွှဲပြောင်းပေးနိုင်ရန်အတွက် ၂၄-၄-၂၀၂၄ ရက်နေ့ (ဗုဒ္ဓဟူးနေ့) နံနက် (၁၀:၀၀) နာရီ အချိန်တွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ်(၃၂) အစည်းအဝေးခန်းမ (အောက်ထပ်) ၌ ကျင်းပပြုလုပ်ခဲ့သည့် ဤဦးစီးဌာန၏ (၄/၂၀၂၄) ကြိမ်မြောက် ဝန်ထမ်းထုတွေ့ဆုံဆွေးနွေးဆန္ဒဖော်ထုတ်ပွဲ အခမ်းအနား၌ “၂၀၂၄ ခုနှစ်၊ မြန်မာ့ရိုးရာနှစ်သစ်ကူးမဟာသင်္ကြန်ပွဲတော်အကြို ကံစမ်းမဲနှိုက်၍ ဆုလက်ဆောင်များ မဲဖောက်ပေးခြင်းအခမ်းအနား” ကိုပါထည့်သွင်း၍ ကျင်း ပြုလုပ်ခဲ့ပါသည်။

          အဆိုပါအခမ်းအနားသို့ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများနှင့် အရာထမ်း/အမှုထမ်း (၁၁၀) ဦး တက်ရောက်ခဲ့ကြပါသည်။ အခမ်းအနားတွင် ၂၀၂၄ ခုနှစ်၊ မြန်မာ့ရိုးရာနှစ်သစ်ကူး မဟာသင်္ကြန်အကြို ပျော်ပွဲရွှင်ပွဲ၌ ဤဦးစီးဌာနအနေဖြင့် ပေါက်မဲအဖြစ် လက်ခံရရှိခဲ့သည့် ကံစမ်းမဲ ဆုမဲ အမှတ်စဉ် (၄) [ပစ္စည်း(၈)မျိုး] တန်ဖိုးအားဖြင့် ငွေကျပ် (၁,၀၆၆,၀၀၀/-) နှင့်အတူ ဤဦးစီးဌာန အစီအစဉ်ဖြင့် ငွေသားကံစမ်းမဲ (၇၀) မျိုး တန်ဖိုးအားဖြင့် ငွေကျပ် (၁၃၀,၀၀၀/-) အပါအဝင် စုစုပေါင်း ဆုမဲအရေအတွက် (၇၈) မျိုး တန်ဖိုးအားဖြင့် ငွေကျပ် (၁,၁၉၆,၀၀၀/-) တို့ကို ဝန်ထမ်းအားလုံးအတွက် ကံစမ်းမဲနှိုက်၍ မဲဖောက်ပေးခဲ့ပြီး၊ ကံစမ်းမဲပေါက်သည့် ဝန်ထမ်းအသီးသီးအား ဆုမဲ လက်ဆောင်ပစ္စည်းများကို လွှဲပြောင်း ပေးအပ်ခဲ့ပြီးနောက် အခမ်းအနားကို နေ့လယ် (၁၁:၃၅) နာရီ အချိန်တွင် ရုပ်သိမ်းခဲ့ပါသည်။