_0.png)
စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့နှင့် အာရှဖွံ့ဖြိုးရေးဘဏ် (ADB) တို့ ပူးပေါင်းဖွင့်လှစ်ပို့ချသည့် တတိယအကြိမ် အလယ်အလတ်အဆင့် စာရင်းအင်းပညာ အသုံးချမှုဆင့်ပွားသင်တန်းဖွင့်ပွဲအခမ်းအနားကို စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ် (၃၂)၊ အစည်းအဝေးခန်းမ၌ ၂၀၁၈ ခုနှစ် စက်တင်ဘာလ (၁၇) ရက်နေ့တွင်ကျင်းပခဲ့ရာ ဗဟို စာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ တက်ရောက်၍ အမှာစကား ပြောကြားခဲ့ပါသည်။
အဆိုပါသင်တန်းတွင် အလယ်အလတ်အဆင့် စာရင်းအင်းပညာအသုံးချမှုနှင့် ပတ်သက်၍ သင်ကြားပို့ချသွားမည်ဖြစ်ပြီး သင်တန်းသားများအနေဖြင့် လုပ်ငန်းခွင်တွင် လက်တွေ့အသုံးချ နိုင်ရန်နှင့် စာရင်းအင်းဆိုင်ရာလုပ်ငန်းနယ်ပယ်များတွင် ပိုမိုထိရောက်စွာ ဆောင်ရွက်သွားနိုင်ရန် အတွက် လုပ်ငန်းစွမ်းဆောင်ရည် တိုးတက်စေရန်ရည်ရွယ်၍ ဖွင့်လှစ်ခြင်းဖြစ်ပါသည်။ သင်တန်း ကာလမှာ (၁၇-၉-၂၀၁၈) ရက်နေ့မှ (၂၈-၉-၂၀၁၈) ရက်နေ့အထိ ဖြစ်ပါသည်။သင်တန်းသို့ ဗဟိုစာရင်းအင်းအဖွဲ့ရုံးချုပ်နှင့် ပြည်နယ်နှင့် တိုင်းဒေသကြီးများမှ သင်တန်းသား/ သူ (၂၅) ဦးတက်ရောက်ကြမည် ဖြစ်ပါသည်။
(သတင်းစဉ်)
, 