စီမံကိန်းနှင့် ဘဏ္ဍာရေး၀န်ကြီးဌာန၊ ပြည်ထောင်စုဝန်ကြီး ဦးကျော်ဝင်းသည် ယနေ့ နေ့လည် ၁ နာရီတွင် ကိုရီးယားသမ္မတနိုင်ငံ BKB Co.Ltd နှင့် ကုမ္ပဏီများမှ ဥက္ကဋ္ဌနှင့် အမှုဆောင်အရာရှိများ၊ ကိုယ်စားလှယ်အဖွဲ့များအားလည်းကောင်း၊ နေ့လည် ၂ နာရီတွင် China Southern Power Grid Co., Ltd (CSG) မှ ဒုတိယဥက္ကဋ္ဌဖြစ်သူ Mr.Yang Jinbai နှင့် ကိုယ်စားလှယ်အဖွဲ့အားလည်းကောင်း၊ နေ့လည် ၃ နာရီတွင် ပါရမီကောလိပ်မှ အမှုဆောင် ဒါရိုက်တာဖြစ်သူ ဒေါက်တာကျော်မိုးထွန်းနှင့် အဖွဲ့အားလည်းကောင်း စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ်(၁) ၌ သီးခြားစီ လက်ခံတွေ့ဆုံသည်။ 

ထိုသို့ လက်ခံတွေ့ဆုံရာတွင် မြန်မာနိုင်ငံ၌ Liquefied  Natural Gas ဖြင့် လျှပ်စစ်ဓါတ်အား ဖွံ့ဖြိုးမှုလုပ်ငန်းများ ပူးပေါင်းဆောင်ရွက်ရေးဆိုင်ရာ ကိစ္စရပ်များ၊ China-Myanmar Power Supply and Transmission Project နှင့် စပ်လျဉ်းသည့် ကိစ္စရပ်များ၊ အကျိုးအမြတ် ဦးတည်ခြင်း မဟုတ်သည့် ပုဂ္ဂလိကအဆောင်နေ လေးနှစ်သင် အနုဝိဇ္ဇာသိပ္ပံပညာရေးတက္ကသိုလ် တစ်ခု ပေါ်ပေါက်လာရေး ဆိုင်ရာ ကိစ္စရပ်များနှင့် စပ်လျဉ်း၍ ဆွေးနွေးခဲ့ကြကြောင်း သတင်းရရှိသည်။

နေပြည်တော်   ဇူလိုင် ၁၃ 
(သတင်းစဉ်)