တရုတ်ပြည်သူ့သမ္မတနိုင်ငံ၊ National Development and Reform Commission (NDRC) ၏ ဒုတိယဥက္ကဋ္ဌဖြစ်သူ H.E. Mr. Ning Jizhe ဦးဆောင်သော ကိုယ်စားလှယ်အဖွဲ့သည် ၂၆-၁၁-၂၀၁၈ ရက် ယနေ့နံနက် (၁၀:၀၀) နာရီတွင် စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီး ဦးစိုးဝင်းအား စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ်(၂၆)၊ အစည်းအဝေးခန်းမ၌ လာရောက်တွေ့ဆုံ၍ တရုတ်-မြန်မာ  စီးပွားရေးစင်္ကြံဆိုင်ရာ ကိစ္စရပ်များနှင့် စပ်လျဉ်းဆွေးနွေးခဲ့သည် ။

ဆွေးနွေးပွဲသို့ ပူးတွဲကော်မတီအဖွဲ့ဝင်များဖြစ်သည့် နေပြည်တော်ကောင်စီဝင်၊ သက်ဆိုင်ရာ ဝန်ကြီးဌာနအသီးသီးမှ ဒုတိယဝန်ကြီးများ၊  ဒုတိယရှေ့နေချုပ်၊ မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ၊ အမြဲတမ်းအတွင်းဝန်များ၊ ဒုတိယအမြဲတမ်းအတွင်းဝန်များ၊ ညွှန်ကြားရေးမှူးချုပ်များနှင့်  မြန်မာဖွံ့ဖြိုးမှုအဖွဲ့အစည်းမှ တာဝန်ရှိသူများ တက်ရောက်ခဲ့ကြပါသည်။

အစည်းအဝေးတွင် တရုတ်-မြန်မာ  စီးပွားရေးစင်္ကြံနှင့်စပ်လျဉ်း၍ ရှေ့ဆက်လက်ဆောင်ရွက်ရမည့်လုပ်ငန်းများ၊ အကောင်အထည်ဖော်ဆောင်ရွက်မည့် စီမံကိန်းများနှင့်စပ်လျဉ်း၍ ပူးတွဲကော်မတီအဖွဲ့ဝင်များအကြား အမြင်ချင်းဖလှယ်ဆွေးနွေးခဲ့ကြကြောင်း သတင်းရရှိပါသည်။

(သတင်းစဉ်)

                                                နေပြည်တော်၊ နိုဝင်ဘာ  ၂၆ ရက်