နေပြည်တော် ၊ ဒီဇင်ဘာ ၂၂ 

ပြည်သူ့ဘဏ္ဍာရေးစီမံခန့်ခွဲမှုအထူးမွမ်းမံသင်တန်းအမှတ်စဉ်(၆) သင်တန်းဆင်းပွဲ အခမ်း အနားကို ယနေ့မွန်းလွဲပိုင်းတွင် နေပြည်တော်ရှိ စီမံကိန်းနှင့်ဘဏ္ဍာရေးဝန်ကြီးဌာန၊ ရသုံးမှန်း ခြေငွေစာရင်းဦးစီးဌာန၊ ပြည်သူ့ဘဏ္ဍာရေးစီမံခန့်ခွဲမှုသင်တန်းကျောင်း၌ ကျင်းပသည်။

အခမ်းအနားတွင် ပြည်သူ့ဘဏ္ဍာရေးစီမံခန့်ခွဲမှုသင်တန်းကျောင်းစီမံခန့်ခွဲမှုအဖွဲ့၊ ဥက္ကဋ္ဌ၊ စီမံကိန်းနှင့်ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးမောင်မောင်ဝင်းက အမှာစကားပြောကြား ရာ၌ သင်တန်းသား/သင်တန်းသူများအနေဖြင့် ရက်သတ္တပတ်ငါးပတ်ကြာဖွင့်လှစ်ပို့ချခဲ့သည့် သင်တန်းတွင် ပြည်သူ့ဘဏ္ဍာရေးစီမံခန့်ခွဲမှုဆိုင်ရာဘာသာရပ်များ လေ့လာဆည်းပူးခဲ့ကြသည့် အပြင် ပြည်သူ့ဘဏ္ဍာရေးစီမံခန့်ခွဲမှုလုပ်ငန်းများမှာ တစ်ဦးကောင်း၊ တစ်ယောက်ကောင်း၊ တစ် ဌာနကောင်းဆောင်ရွက်၍ မရဘဲ ပြည်သူ့ရေးရာကိစ္စရပ်များကို စီမံခန့်ခွဲဆောင်ရွက်နေသည့် ဌာနများအချင်းချင်း ပူးပေါင်းချိတ်ဆက်ဆောင်ရွက်မှသာ အဆင်ပြေအောင်မြင်နိုင်မည် ဖြစ် ကြောင်း၊ သင်တန်းတွင် နိုင်ငံတကာတွင်ကျင့်သုံးဆောင်ရွက်နေကြသော ပြည်သူ့ဘဏ္ဍာရေးစီမံ ခန့်ခွဲမှုစနစ်များနှင့်ပါ ယှဉ်တွဲလေ့လာဆည်းပူးခွင့်ရရှိခဲ့ကြသဖြင့် သင်တန်းမှရရှိခဲ့သည့် ပညာရပ် များ၊ လုပ်ငန်းအတွေ့အကြုံများကို အသုံးချ၍ ပြည်သူတို့ကို ဝန်ဆောင်မှုပေးကြရမည်ဖြစ် ကြောင်း၊ ယင်းတို့ကို မိမိတို့ဌာနများရှိ ဝန်ထမ်းများသို့လည်း ပြန်လည်မျှဝေပေးကြရန်နှင့် ကိုယ်တိုင်လည်း လုပ်ငန်းဆောင်ရွက်မှုအရည်အသွေးများ အစဉ်တိုးတက်နေစေရေးအတွက် အစဉ်လေ့လာဆည်းပူးနေကြရန်လိုကြောင်း ပြောကြားသည်။ ထို့နောက် ဒုတိယဝန်ကြီးက သင်တန်းဆင်းလက်မှတ်များ ပေးအပ်ချီးမြှင့်ပြီး သင်တန်းသား/သင်တန်းသူများ ကိုယ်စား သင်တန်းသားတစ်ဦးက ကျေးဇူးတင်စကား ပြောကြားသည်။

သင်တန်းဆင်းပွဲအခမ်းအနားသို့ ပြည်ထောင်စုစာရင်းစစ်ချုပ်ရုံး ဒုတိယစာရင်းစစ်ချုပ် ဒေါ်နိုင်သက်ဦး၊ ပြည်သူ့ဘဏ္ဍာရေးစီမံခန့်ခွဲမှုသင်တန်းကျောင်းစီမံခန့်ခွဲမှုအဖွဲ့၊ အဖွဲ့ဝင် ဌာန အကြီးအကဲများ၊ သင်တန်းနည်းပြများ၊ ဝန်ကြီးဌာနအသီးသီးမှ သင်တန်းသား/သင်တန်းသူများ နှင့် တာဝန်ရှိသူများ တက်ရောက်ကြသည်။ 
သင်တန်းသို့ ဝန်ကြီးဌာနအဖွဲ့အစည်းများမှ စီမံကိန်းနှင့်ဘဏ္ဍာရေးဆိုင်ရာတာဝန်ခံ ညွှန်ကြားရေးမှူးအဆင့်နှင့် ဒုတိယညွှန်ကြားရေးမှူးအဆင့် အရာထမ်း (၂၇) ဦးတို့ ပါဝင် တက်ရောက်ခဲ့ကြပြီး သင်တန်းကာလမှာ ရက်သတ္တပတ်ငါးပတ်ကြာမြင့်ခဲ့ကြောင်း သိရသည်။
“ခိုင်မာသည့်ပြည်သူ့ဘဏ္ဍာရေးစီမံခန့်ခွဲမှုစနစ်ကိုတည်ထောင်ရန်အတွက် စွမ်းရည်ပြည့် ဝသည့် နိုင်ငံ့ဝန်ထမ်းများမွေးထုတ်ပေးရန်” ဟူသော ပြည်သူ့ဘဏ္ဍာရေးစီမံခန့်ခွဲမှု သင်တန်း ကျောင်း၏ရည်မှန်းချက်ဖြင့် ပြည်သူ့ဘဏ္ဍာရေးစီမံခန့်ခွဲမှုအထူးမွမ်းမံသင်တန်းအား ဖွင့်လှစ်ပို့ချ လျက်ရှိရာ ယနေ့အထိ ဗဟိုအဖွဲ့အစည်းများနှင့် ပြည်ထောင်စုဝန်ကြီး ဌာန၊ အဖွဲ့အစည်းများမှ ညွှန်ကြားရေးမှူးအဆင့် အရာထမ်းသင်တန်းသား ၂၁၄ ဦးအား သင်ကြားပို့ချခဲ့ပြီးဖြစ်ကြောင်း သတင်းရရှိသည်။
သတင်းစဉ်