နေပြည်တော်၊ ဇွန်  ၂၆

စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီးဦးစိုးဝင်းသည် ၂၅-၆-၂၀၁၈ ရက်နေ့ မွန်းလွဲ( ၁ )နာရီတွင် မြန်မာနိုင်ငံဆိုင်ရာ အမေရိကန်နိုင်ငံ သံအမတ်ကြီး H.E.Mr.Scot Marciel နှင့် ကိုယ်စားလှယ်အဖွဲ့အားလည်းကောင်း၊ မွန်းလွဲ ( ၂ ) နာရီ တွင် အာရှဖွံ့ဖြိုးရေးဘဏ်မှ Country Director ဖြစ်သူ Mr.NewinSinsiri နှင့် ကိုယ်စား လှယ် အဖွဲ့အားလည်းကောင်း နေပြည်တော်ရှိ ရုံးအမှတ် (၂၆)၌ သီးခြားစီလက်ခံတွေ့ဆုံ ခဲ့သည်။

          ထိုသို့ တွေ့ဆုံရာတွင် မြန်မာ- အမေရိကန်နှစ်နိုင်ငံ စီးပွားရေးပူးပေါင်းဆောင်ရွက်မှု ဆိုင်ရာများအားလည်းကောင်း၊ အာရှဖွံ့ဖြိုးရေးဘဏ်မှ မြန်မာနိုင်ငံသို့ ပံ့ပိုးကူညီဆောင်ရွက် ပေးမည့် ကိစ္စရပ်များနှင့်စပ်လျဉ်း၍လည်းကောင်း ဆွေးနွေးခဲ့ကြပါသည်။

          တွေ့ဆုံပွဲသို့ စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီးဦးဆက်အောင်၊ အမြဲတမ်းအတွင်းဝန် ဦးထွန်းထွန်းနိုင်နှင့် သက်ဆိုင်ရာတာဝန်ရှိဂ္ဂိုလ်များ၊ မြန်မာနိုင်ငံ ဆိုင်ရာ အမေရိကန်သံရုံးနှင့် အာရှဖွံ့ဖြိုးရေးဘဏ်တို့မှ တာဝန်ရှိပုဂ္ဂိုလ်များ တက်ရောက် ခဲ့ကြကြောင်းသတင်းရရှိသည်။

(သတင်းစဉ်)