Secured Transaction-ST Law ပြဌာန်းနိုင်ရေးနှင့်စပ်လျဉ်း၍ ညှိနှိုင်းအစည်းအဝေးကျင်းပခြင်း

Secured Transaction-ST Law ပြဌာန်းနိုင်ရေးနှင့်စပ်လျဉ်း၍  

       ညှိနှိုင်းအစည်းအဝေးကျင်းပခြင်း    

၁။      စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးမောင်မောင်ဝင်း၊ ( ဥက္ကဌ၊ Inter-Ministerial Steering

Committee  for  Financial  Inclusion Roadmap )ဦးဆောင်၍  Secured  Transaction - ST  Law  

ပြဌာန်းနိုင်ရေးနှင့်စပ်လျဉ်းသည့်  ညှိနှိုင်းအစည်းအဝေးကို   ၂၀၁၈ ခုနှစ် ၊ ဒီဇင်ဘာလ (၁၉) ရက်နေ့  

နံနက်(၁၀:၀၀) နာရီတွင် စီမံကိန်းနှင့်ဘဏ္ဍာရေးဝန်ကြီး ဌာန၊ငွေရေးကြေးရေးကြီးကြပ်စစ်ဆေးရေး

ဦးစီးဌာန၊ ရုံးအမှတ်(၃၄) အစည်းအဝေးခန်းမ၌ ကျင်းပခဲ့ပါသည်။

၂။      အဆိုပါ Secured Transaction-ST Law  ပြဌာန်းနိုင်ရေးနှင့်စပ်လျဉ်းသည့်  ညှိနှိုင်းအစည်းအဝေးသို့

မြန်မာနိုင်ငံတော်ဗဟိုဘဏ်၊ ညွှန်ကြားရေးမှူးချုပ် ဒေါ်သန်းသန်းဆွေ ၊ ငွေရေး ကြေးရေးကြီးကြပ်စစ်ဆေးရေး

ဦးစီးဌာန၊ ညွှန်ကြားရေးမှူးချုပ် ဦးဇော်နိုင်၊International Finance Corporation(IFC)မှ Country Officer နှင့်

Senior  Financial  Sector Specialist  များ၊ နိုင်ငံပိုင်ဘဏ် (၄)ဘဏ် မှ  ဦးဆောင်ညွှန်ကြားရေးမှူးများ ၊

၎င်းတို့၏ကိုယ်စား  အထွေထွေမန်နေဂျာနှင့် ဒုတိယအထွေထွေမန်နေဂျာများ၊ ငွေရေးကြေးရေးကြီးကြပ်

စစ်ဆေးရေးဦးစီးဌာနမှ အရာထမ်း၊ အမှုထမ်းများ စုစုပေါင်း (၃၄) ဦးတက်ရောက်ခဲ့ပါသည်။

၃။      အစည်းအဝေး၌ မြန်မာနိုင်ငံတွင် ရွှေ့ပြောင်းနိုင်သော ပစ္စည်းအား အပေါင်ထား၍ ချေးငွေ ရယူနိုင်ရေးတွင်

ချေးငွေဈေးကွက်အတွက် လိုအပ်သောဥပဒေဖြစ်သည့် Secured Transaction-ST Law ရေးဆွဲပြဌာန်းနိုင်ရေး၊  

သက်ဆိုင်ရာဌာန ၊အဖွဲ့အစည်းများမှ ကိုယ်စားလှယ်များ ပါဝင်သည့် Working Group ဖွဲ့စည်း ဆောင်ရွက်ရေးနှင့်

ရှေ့ဆက်လက်ဆောင်ရွက်မည့်လုပ်ငန်းစဉ်များအား အပြန်အလှန် ဆွေးနွေးခဲ့ကြပြီး နေ့လည် (၁၂:၀၀) နာရီတွင်

အစည်းအဝေး ပြီးဆုံးခဲ့ပါသည်။