စဉ်ဆက်မပြတ်ဖွံ့ဖြိုးမှုပန်းတိုင်များ(Sustainable Development Goals-SDGs)နှင့်ပတ်သက်၍ အသိပညာမြှင့်တင်ခြင်းနှင့်ဆောင်ရွက်မှုအခြေအနေများအားကချင်ပြည်နယ် အစိုးရသို့ ရှင်းလင်းတင်ပြခြင်း အခမ်းအနား

စဉ်ဆက်မပြတ်ဖွံ့ဖြိုးမှုပန်းတိုင်များ(Sustainable Development Goals-SDGs)နှင့်ပတ်သက်၍ အသိပညာမြှင့်တင်ခြင်းနှင့်ဆောင်ရွက်မှုအခြေအနေများအားကချင်ပြည်နယ် အစိုးရသို့ ရှင်းလင်းတင်ပြခြင်း အခမ်းအနား

စဉ်ဆက်မပြတ်ဖွံ့ဖြိုးမှုပန်းတိုင်များ(Sustainable Development Goals-SDGs)  နှင့်ပတ်သက်၍အသိပညာမြှင့်တင်ခြင်းနှင့်ဆောင်ရွက်မှုအခြေအနေများအားကချင်ပြည်နယ်အစိုးရသို့ရှင်းလင်းတင်ပြခြင်းအခမ်းအနားအခမ်းအနားကို(၁၄-၁၁-၂၀၁၇) ရက်နေ့ နံနက် (၉) နာရီတွင် ကချင်ပြည်နယ်အစိုးရအဖွဲ့ရုံး၊ နှစ်ထပ်အစည်းအဝေးခန်းမဆောင်သစ်၌ ကျင်းပပြုလုပ်ခဲ့ပါသည်။ အဆိုပါအစည်းအဝေးကို ကချင်ပြည်နယ်အစိုးရအဖွဲ့ ဝန်ကြီးချုပ်ဒေါက်တာခက်အောင်မှ အဖွင့်အမှာစကားပြောကြားပြီးလုံခြုံရေးနှင့် နယ်စပ်ရေးရာ ဝန်ကြီး၊ စိုက်ပျိုးရေးနှင့် မွေးမြူရေးဝန်ကြီး၊ လူမှုရေးဝန်ကြီး၊ ဥပဒေချုပ်၊ ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင် ၊ ပြည်နယ်အဆင့်ဌာနဆိုင်ရာ ပြည်နယ်တာဝန်ခံများနှင့် ကချင်ပြည်နယ်ရုံးခွဲ ဗဟိုစာရင်းအင်းအဖွဲ့မှ ဝန်ထမ်းများ စုစုပေါင်း (၁၂၀)ဦးတက်ရောက်ခဲ့ကြပါသည်။

ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဒေါက်တာဝါဝါမောင်မှ စဉ်ဆက်မပြတ်ဖွံ့ဖြိုးမှုပန်းတိုင်များ(Sustainable Development Goals-SDGs) နှင့် ပတ်သက်သည့်ဆောင်ရွက်နေမှုအခြေအနေများအား ရှင်းလင်းတင်ပြဆွေးနွေးခဲ့ပြီး လူမှုရေးဝန်ကြီး ဒေါက်တာ သင်းလွင် မှလည်းစဉ်ဆက်မပြတ်ဖွံ့ဖြိုးမှုပန်းတိုင်(၁၇)ချက်တွင်မိမိဌာနနှင့် သက်ဆိုင်သည့် အချက်(၆)ချက်ပါဝင်နေပါကြောင်း၊ စာရင်းအင်းအချက်အလက်များသည် အရေးကြီးသည့်အတွက် မိမိအနေဖြင့် စာရင်းအင်းအချက်အလက်များစုစည်းဆောင်ရွက်နေသည့်ဗဟိုစာရင်းအင်းအဖွဲ့နှင့် ပူးပေါင်းဆောင်ရွက် သွားမည်ဖြစ်ကြောင်း ဖြည့်စွက်ဆွေးနွေးခဲ့ပါသည်။

ထို့နောက် ကချင်ပြည်နယ်အစိုးရအဖွဲ့ဝန်ကြီးချုပ်ဒေါက်တာခက်အောင်မှ နိဂုံးချုပ်အမှာစကားပြောကြားခဲ့ပြီး မွန်းလွဲ (၁၁:၃၀) နာရီတွင် အခမ်းအနားကို အောင်မြင်စွာ ကျင်းပပြီးစီးခဲ့ပါသည်။