_0.png)
မြန်မာ့အာမခံလုပ်ငန်း၊ ဟင်္သာတခရိုင်ရုံး၏ အာမခံလုပ်ငန်းအကြောင်းအသိပညာပေး ဟောပြောဆွေးနွေးပွဲကို (၂-၃-၂၀၁၉) ရက်နေ့ နံနက် (၈:၄၅) နာရီတွင် ဟင်္သာတခရိုင် တလုတ္ထော်မြို့နယ်၊ သဲကြီးကုန်းကျေးရွာတွင် လူမှုကူညီရေးအသင်းနှစ်ပတ်လည်အခမ်းအနား နှင့်တွဲဖက်၍ ကျင်းပပြုလုပ်ခဲ့ရာ ရွှေမဉ္ဇူလူမှုကူညီရေးအသင်း နာယက ဦးမြကွန့်က အဖွင့်အမှာစကားပြောကြားရာ ရပ်မိရပ်ဖများနှင့် ကျေးရွာသူ ကျေးရွာသားများ စုစုပေါင်း (၇၀)ဦးခန့် တက်ရောက်ကြပါသည်။
အဆိုပါဟောပြောပွဲတွင် ဟင်္သာတခရိုင်ရုံးတာဝန်ခံမှ အသက်အာမခံ၊ သူတစ်ပါးထိခိုက်မှုအာမခံ၊ မီးနှင့်အမျိုးမျိုးအာမခံ၊ ရေကြောင်းအာမခံ၊ အလုံးစုံမော်တော်ယာဉ်အာမခံနှင့် ခရီးသွားအာမခံ လုပ်ငန်းများအကြောင်း၊ အာမခံထားရှိခြင်းဖြင့်ရရှိနိုင်သော အကျိုးကျေးဇူးများအကြောင်းတို့ ဆွေးနွေးဟောပြောခဲ့ရာ သိလိုသည်များကို မေးမြန်းကြပါသည်။
