_0.png)
မြန်မာ့အာမခံလုပ်ငန်း၊ စစ်ကိုင်းခရိုင်ရုံး၏ အာမခံလုပ်ငန်းအကြောင်း သိရှိစေရန်ဟောပြောပွဲကို (၁၅-၂-၂၀၁၉) ရက်နေ့ နံနက် (၉:၀၀) နာရီတွင် စစ်ကိုင်းမြို့ အထွေထွေအုပ်ချုပ်ရေးဦးစီးဌာန၊ ဥက္ကဌရုံးခန်း၌ ကျင်းပရာ မြို့နယ်အဆင့်ဌာနဆိုင်ရာ အရာထမ်း (၃၇)ဦး တက်ရောက်ခဲ့ပြီး လက်ရှိစစ်ကိုင်းခရိုင်ရုံးတွင် ဆောင်ရွက်လျက်ရှိသည့် အာမခံလုပ်ငန်းသစ်များ၏ လက်ခံ ဆောင်ရွက်ပေးခြင်း၊ လျော်ကြေးပေးရခြင်းအကြောင်းများကို အသေးစိတ်ရှင်းလင်း ပြောကြား ခဲ့ပါသည်။
ထို့အတူ (၁၅-၂-၂၀၁၉) ရက်နေ့ နံနက်(၁၀:၀၀)နာရီအချိန်တွင် စစ်ကိုင်းမြို့နယ်အထွေထွေ အုပ်ချုပ်ရေးဦးစီးဌာန အပေါ်ထပ်ခန်းမ၌ ရပ်ကွက်/ကျေးရွာအုပ်စုမှ ဥက္ကဌ(၁၁၀)ဦး၊ စစ်ကိုင်းမြို့နယ် အထွေထွေအုပ်ချုပ်ရေးဦးစီးဌာန လက်အောက်ရှိ ရပ်ကွက်/ကျေးရွာများမှ စာရေးဝန်ထမ်း (၉၇)ဦး၊ စစ်ကိုင်းမြို့နယ် အထွေထွေအုပ်ချုပ်ရေးဦးစီးဌာနမှ ဥက္ကဌနှင့် ဦးစီးအရာရှိ၊ ဒု-ဦးစီးနှင့် ဝန်ထမ်းစုစုပေါင်း (၁၂)ဦး၊ စစ်ကိုင်းမြို့နယ်စည်ပင်သာယာရေး ဥက္ကဌ နှင့် အဖွဲ့ဝင်(၆)ဦး စုစုပေါင်း (၂၂၅)ဦး တက်ရောက်ခဲ့ပါသည်။
အဆိုပါဟောပြောပွဲတွင် ခရိုင်တာဝန်ခံမှ မြန်မာ့အာမခံလုပ်ငန်းတွင် ဆောင်ရွက်ပေးလျက် ရှိသော အာမခံလုပ်ငန်းအမျိုးအစားများကို ရှင်းလင်းပြောကြားခဲ့ပါသည်။
