ဧရာဝတီတိုင်းဒေသကြီး အစိုးရအဖွဲ့၏ ပံ့ပိုးကူညီမှုဖြင့် အမျိုးသားမှတ်တမ်းများ မော်ကွန်းတိုက်ဦးစီးဌာန (ရန်ကုန်ရုံးခွဲ)ကြီးမှူးကျင်းပခဲ့သည့် အခြေခံ မှတ်တမ်းစီမံခန့်ခွဲမှု သင်တန်းအခမ်းအနား

            စီမံကိန်းနှင့် ဘဏ္ဍာရေးဝန်ကြီးဌာန၊ အမျိုးသားမှတ်တမ်းများ မော်ကွန်းတိုက်ဦးစီးဌာန (ရန်ကုန်ရုံးခွဲ)သည် အစိုးရရုံးများတွင် ဌာနဆိုင်ရာ မှတ်တမ်းခန်းများထားရှိရေးနှင့် မှတ်တမ်းများ  အဆင့်ခွဲခြားသတ်မှတ်ပြီး  မော်ကွန်းတိုက်သို့ လွှဲပြောင်းပေးနိုင်ရေးတို့အတွက်  ရည်ရွယ်၍

အခြေခံမှတ်တမ်းစီမံခန့်ခွဲမှု သင်တန်းအား ဧရာဝတီတိုင်းဒေသကြီး အစိုးရအဖွဲ့၏ ပံ့ပိုးကူညီမှုဖြင့် ၂၀၁၈ခုနှစ် ဒီဇင်ဘာလ ၁၄ ရက်နေ့တွင် ဧရာဝတီတိုင်းဒေသကြီး၊ ပုသိမ်မြို့၊ ဧရာရွှေဝါခန်းမ၌ ညွှန်ကြားရေးမှူး ဒေါ်သက်နွယ်ဦး၊ လက်ထောက်ညွှန်ကြားရေးမှူးများ ဖြစ်ကြသော ဒေါ်အေးသီတာစမ်း၊ ဒေါ်ခင်ဖုန်းဝင့် တို့မှ ဆွေးနွေးပို့ချခဲ့ပါသည်။

           အဆိုပါသင်တန်းအား ၂၀၁၈ခုနှစ်  ဒီဇင်ဘာလ ၁၄ ရက် နံနက် (၁၀း၀၀)နာရီ၌ စတင်ဖွင့်လှစ်၍ ဧရာဝတီတိုင်းဒေသကြီးအတွင်းရှိ ဦးစီးဌာနအသီးသီးမှ သင်တန်းသား စုစုပေါင်း (၉၅)ဦး တက်ရောက် ခဲ့ပြီး သင်တန်းတွင် အမျိုးသားမှတ်တမ်းများ မော်ကွန်းတိုက်ဦးစီးဌာနသို့ မော်ကွန်းဖြစ်လာနိုင်မည့် မှတ်တမ်းများ ပေးပို့နိုင်ရေးနှင့် မော်ကွန်းတိုက်သို့ လာပို့ရမည့် မှတ်တမ်းများအား အစိုးရဌာနအသီးသီးမှ သိရှိနိုင်ရန် အဆင့်များ ခွဲခြား၍ ဆွေးနွေးပို့ချခဲ့ပါသည်။