မြန်မာနိုင်ငံ MSME စီးပွားရေးလုပ်ငန်းများ၏ ကုန်ထုတ်လုပ်မှုစစ်တမ်း (၂၀၁၇) နှင့် စပ်လျဉ်း၍ ရှင်းလင်းတင်ပြသည့် အခမ်းအနား ကျင်းပခြင်း

စီမံကိန်းနှင့် ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့နှင့် အပြည်ပြည်ဆိုင်ရာ သုတေသနမိတ်ဖက် အဖွဲ့အစည်းဖြစ်သည့်  United Nations University World Institute for Development Economics Research (UNU-WIDER) အဖွဲ့တို့ ပူးပေါင်း၍ ဒိန်းမတ်နိုင်ငံ အစိုးရ အကူအညီဖြင့် မြန်မာနိုင်ငံ (Micro, Small and Medium Enterprise − MSME) စီးပွားရေးလုပ်ငန်းများ၏ ကုန်ထုတ်လုပ်မှု စစ်တမ်း (၂၀၁၇)နှင့် စပ်လျဉ်း၍ ရှင်းလင်းတင်ပြသည့် အခမ်းအနားကို ၂၀၁၈ ခုနှစ်၊ ဩဂုတ်လ (၂၈) ရက်နေ့၊ နံနက်(၉:၀၀)နာရီတွင် စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ်(၁)၊ အစည်းအဝေးခန်းမ၌ ကျင်းပခဲ့ရာ ဒုတိယ သမ္မတ (၁) ဦးမြင့်ဆွေမှ  အဖွင့်အမှာစကား ပြောကြားခဲ့ပါသည်။

အခမ်းအနားသို့  ဒုတိယသမ္မတ(၁)၊  စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ပို့ဆောင်ရေးနှင့် ဆက်သွယ်ရေးဝန်ကြီးဌာန၊ လျှပ်စစ်နှင့် စွမ်းအင်ဝန်ကြီးဌာန၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ဆောက်လုပ်ရေးဝန်ကြီးဌာနတို့မှ  ပြည်ထောင်စုဝန်ကြီး များ၊ စီးပွားရေးနှင့် သက်ဆိုင်သည့်  ပြည်ထောင်စုဝန်ကြီးဌာနများမှ ဒုတိယဝန်ကြီးများ၊ နေပြည်တော်ကောင်စီ အပါအဝင် တိုင်းဒေသကြီးနှင့် ပြည်နယ် အစိုးရအဖွဲ့များမှ  စီးပွားရေးနှင့် သက်ဆိုင်သည့် ဝန်ကြီးများ၊ စာရင်းအင်းဆိုင်ရာဖွံ့ဖြိုးမှု အမျိုးသားအဆင့် မဟာဗျူဟာ (National Strategy for Development of Statistics-NSDS) လုပ်ငန်းအဖွဲ့ ခေါင်းဆောင်များနှင့် အဖွဲ့ဝင်များ၊ စီမံကိန်းနှင့် ဘဏ္ဍာရေးဝန်ကြီးဌာနမှ လက်ထောက် အတွင်းဝန်များနှင့် တာဝန်ရှိသူများအပါအဝင် စုစုပေါင်း(၁၂၀)ဦးခန့် တက်ရောက် ခဲ့ကြပါသည်။

ဒုတိယသမ္မတ (၁) ဦးမြင့်ဆွေမှ အဖွင့်အမှာစကားပြောကြားရာတွင် မြန်မာနိုင်ငံ MSME စီးပွားရေးလုပ်ငန်း ကုန်ထုတ်လုပ်မှုစစ်တမ်း (၂၀၁၇) အစီရင်ခံစာနှင့် စပ်လျဉ်း၍ ရှင်းလင်း တင်ပြသည့် အခမ်းအနားဖြစ်ပါကြောင်း၊  မြန်မာနိုင်ငံအစိုးရနှင့် ဒိန်းမတ်နိုင်ငံအစိုးရတို့အကြား ပူးပေါင်းဆောင်ရွက်မှု အစီအစဉ်အရ (၂၀၁၆-၂၀၂၀) အကောင်အထည်ဖော်မှုဆိုင်ရာ ဖွံ့ဖြိုးမှု ပူးပေါင်းဆောင်ရွက်ရေး သဘောတူစာချုပ်အရ “မြန်မာနိုင်ငံ စီးပွားရေးလုပ်ငန်းများအား စောင့်ကြည့်လေ့လာသည့်စနစ်”ကို တည်ထောင်ရန်အတွက် ၂၀၁၇-၂၀၁၈ ခုနှစ်နှင့် ၂၀၁၉-၂၀၂၀ ခုနှစ်အတွင်း အသေးစားနှင့်အလတ်စား စီးပွားရေးလုပ်ငန်းများ၏ အရေအတွက်ဆိုင်ရာ စစ်တမ်း (၂) ခုနှင့် အရည်အသွေးဆိုင်ရာ စစ်တမ်း (၂) ခုတို့ကို ကုန်ထုတ်လုပ်မှုကဏ္ဍအတွက် ကောက်ယူ သွားမည်ဟု သိရှိရပါကြောင်း၊ မိမိတို့နိုင်ငံတွင် အရည်အသွေးရှိပြီး ယုံကြည်ကိုးစားနိုင်သော အထောက်အထားခိုင်မာသည့်  ဒေတာအချက်အလက်များကို စုဆောင်းထားရှိ၍ မူဝါဒများ ချမှတ် နိုင်ရန်၊ ဦးစားပေးကဏ္ဍများ သတ်မှတ်နိုင်ရန်၊ စီမံကိန်းများ ရေးဆွဲအကောင်အထည်ဖော်ခြင်းနှင့် စောင့်ကြပ်ကြည့်ရှုခြင်းများ ဆောင်ရွက်ရာတွင် အသုံးပြုနိုင်မည် ဖြစ်ပါကြောင်း၊

မြန်မာနိုင်ငံ MSME စီးပွားရေးလုပ်ငန်း စစ်တမ်းကို မြန်မာနိုင်ငံရှိ ကုန်ထုတ်လုပ်မှု ဆောင်ရွက်ခဲ့ခြင်းဖြစ်၍ အသေးစားနှင့် အလတ်စား စီးပွားရေးလုပ်ငန်းများ (SMEs) ဖွံ့ဖြိုးတိုးတက်မှုအတွက် အထောက်အကူပြုနိုင် သော လိုအပ်ချက်များ၊ SMEs လုပ်ငန်းများ၏ ယှဉ်ပြိုင်နိုင်စွမ်း တိုးတက်ရေးအတွက် လိုအပ် ချက်များ၊ စိန်ခေါ်မှုများကို ဖော်ထုတ်ရာရောက်ပါကြောင်း၊ စစ်တမ်းမှ ရရှိသည့် အချက်အလက် များသည် မြန်မာနိုင်ငံ၏ စက်မှုကဏ္ဍ ပိုမိုအားကောင်းလာစေရေးအတွက် မူဝါဒများချမှတ်ရာတွင် အထောက်အကူပြုနိုင်မည်ဖြစ်ပါကြောင်း၊

မြန်မာနိုင်ငံအနေဖြင့် ချမှတ်ဆောင်ရွက်နေသည့် စီးပွားရေးမူဝါဒ (၁၂) ရပ်တွင် အသေးစား နှင့်အလတ်စား စီးပွားရေးလုပ်ငန်းများ တိုးတက်ရန် ဆိုသည့်အချက် ပါဝင်ပါကြောင်း၊  မြန်မာ နိုင်ငံ ပုဂ္ဂလိကကဏ္ဍ ဖွံ့ဖြိုးတိုးတက်ရေးအတွက် ခိုင်မာအားကောင်းသည့် မူဝါဒများရေးဆွဲရန်၊ ပုဂ္ဂလိကကဏ္ဍနှင့် သက်ဆိုင်သည့်  စီးပွားရေးစာရင်းအင်းများကို ပြည့်စုံစွာပံ့ပိုးပေးရန်၊ မူဝါဒ ချမှတ်သူများနှင့် အစိုးရမဟုတ်သည့် ပါဝင်ပတ်သက်သူများအားလုံးကို သတင်းအချက်အလက်များ ပံ့ပိုးပေးရန်နှင့် အမျိုးသားစာရင်းအင်းစနစ် တွက်ချက်ရာတွင် အဓိကကျသည့်  အချက်အလက် အရင်းအမြစ်များ  ပံ့ပိုးပေးရန်အတွက် မြန်မာ့စီးပွားရေးလုပ်ငန်း စစ်တမ်းများ၏ အချက်အလက် များကို အသုံးပြု၍ “From Data to Policy” အဖြစ် အသွင်ပြောင်းနိုင်ရန်  အလွန်အရေးကြီး ပါကြောင်း၊

၂၀၁၅ ခုနှစ် နှစ်ကုန်ပိုင်းတွင် ဆောင်ရွက်ခဲ့သည့် မြန်မာ့စီးပွားရေးလုပ်ငန်း စစ်တမ်းအရ မြန်မာနိုင်ငံတွင် စီးပွားရေးလုပ်ငန်း အရေအတွက် အများဆုံးသည် ကုန်ထုတ်လုပ်မှုကဏ္ဍ (Manufacturing Sector) တွင်ရှိပြီး ရာခိုင်နှုန်းအားဖြင့် စုစုပေါင်းလုပ်ငန်းများ၏ ၄၀ ရာခိုင် နှုန်းရှိပါကြောင်း၊ မြန်မာနိုင်ငံ၏စီးပွားရေးလုပ်ငန်း ၉၀ ရာခိုင်နှုန်းကျော်သည် လုပ်ငန်းငယ်များ သာ ဖြစ်ပါကြောင်း၊ အလုပ်သမားအရေအတွက် ၂၅၀ ဦးနှင့်အထက်ရှိသည့် သို့ဖြစ်ပါ၍ မြန်မာနိုင်ငံ၏ စီးပွားရေးဖွံ့ဖြိုးတိုးတက်မှုသည် အသေးစားနှင့် အလတ်စား လာစေရေးအတွက် လက်တွေ့ကျကျ ကူညီထောက်ပံ့နိုင်ရန် လိုအပ်ပါကြောင်း ပြောကြားခဲ့ပါသည်၊

• စီးပွားရေးနှင့်ကူးသန်းရောင်းဝယ်ရေးဝန်ကြီးဌာန  ပြည်ထောင်စုဝန်ကြီး ဒေါက်တာသန်းမြင့်မှ စီးပွားရေးကဏ္ဍဖွံ့ဖြိုးတိုးတက်မှုကို မြှင့်တင်နိုင်ရန်အတွက် စက်မှုဆိုင်ရာ၊ ငွေကြေးဆိုင်ရာနှင့် ပညာရေးဆိုင်ရာ မူဝါဒများတွင်  များစွာထည့်သွင်းစဉ်းစားရန် လိုအပ်လျက် ရှိပါကြောင်း၊ ဗျူရိုကရေစီဆန်သော အတားအဆီးများလျှော့ချရန်၊ အစိုးရ ဌာနဆိုင်ရာများအကြား လုပ်ငန်းချိတ်ဆက်ဆောင်ရွက်မှု ပိုမိုကောင်းမွန်စေရန်၊ ဝန်ဆောင်မှုများ ပိုမိုကောင်းမွန်စေရန်၊ နိုင်ငံတကာ ဈေးကွက် လက်လှမ်းမီမှုတို့ ပိုမိုကောင်းမွန်စေရန်အတွက် နည်းပညာနှင့် တီထွင်ဆန်းသစ်နိုင်မှု စွမ်းရည်ကို အားပေးကူညီနိုင်ရန်၊ ပိုမိုကောင်းမွန်သော လုပ်ငန်းခွင်အခြေအနေများ ဖွံ့ဖြိုးရေး အတွက် ကူညီအားပေးရန်တို့ လိုအပ်မည်ဖြစ်ပါကြောင်း ပြောကြားခဲ့ပါသည်။

ဆက်လက်၍ မြန်မာနိုင်ငံဆိုင်ရာ ဒိန်းမတ်နိုင်ငံသံရုံး၊ သံရုံးယာယီတာဝန်ခံ Ms. Dorte Chortsen မှ မြန်မာနိုင်ငံ MSME စီးပွားရေးလုပ်ငန်း ကုန်ထုတ်လုပ်မှုစစ်တမ်း(၂၀၁၇)နှင့် ပတ်သက်၍ အမှာစကား ပြောကြားခဲ့ပါသည်။

ထို့နောက် ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ မြန်မာနိုင်ငံ MSME စီးပွားရေးလုပ်ငန်း ကုန်ထုတ်လုပ်မှုစစ်တမ်း (၂၀၁၇) မှ အဓိက တွေ့ရှိချက်များနှင့် မူဝါဒဆိုင်ရာ အကြံပြုချက်များအား ရှင်းလင်းတင်ပြရာတွင် အဆိုပါစစ်တမ်းသည် မြန်မာနိုင်ငံ စီးပွားရေးလုပ်ငန်းများအား စောင့်ကြည့်လေ့လာသည့်စနစ် (Myanmar Enterprise Monitoring System) ကို  အထောက်အကူပြုပါကြောင်း၊ ကုန်ထုတ်လုပ်မှုလုပ်ငန်းများ (Manufacturing) နှင့် ၎င်းတို့၏လုပ်သားအင်အားကို အဓိကထား၍  ကောက်ယူခဲ့ခြင်းဖြစ်၍ နိုင်ငံတစ်ဝန်းလုံးကို ကိုယ်စားပြုသည့် ပထမဆုံးစစ်တမ်း ဖြစ်ပါကြောင်း၊ စစ်တမ်းကို ၂၀၁၇ ခုနှစ်၊ ဇွန်လအတွင်း တိုင်းဒေသကြီးနှင့် ပြည်နယ်အားလုံးရှိ မြို့နယ်ပေါင်း (၃၅) မြို့နယ်တွင် ကောက်ယူခဲ့ရာ လုပ်ငန်း ပေါင်း (၂,၄၉၆)ခုနှင့်  လုပ်သားအင်အား(၆,၇၂၂)ဦးတို့ ပါဝင်ခဲ့ပါကြောင်း၊ စစ်တမ်းရလဒ်များမှ သိသာထင်ရှားသည့် အချက်အလက်များအပေါ် အခြေခံ၍ မူဝါဒများချမှတ်ရာတွင် ပိုမို အားကောင်းလာစေရန် ရည်ရွယ်၍ ကောက်ယူခဲ့သည့် စစ်တမ်းဖြစ်ပါကြောင်း၊  

ထုတ်လုပ်မှုလုပ်ငန်းအများစုသည် မြန်မာနိုင်ငံ အလယ်ပိုင်းဒေသများတွင် အများစု တည်ရှိနေပြီး၊ တောင်ပိုင်းကမ်းရိုးတန်းဒေသတစ်လျှောက်တွင်နည်းပါးပါကြောင်း၊ ထုတ်လုပ်မှု ကဏ္ဍ၏ အခြေခံအုတ်မြစ်သည် စားသောက်ကုန်လုပ်ငန်းဖြစ်ပြီး အဝတ်အထည်နှင့် အထည် အလိပ် လုပ်ငန်းများသည် မြန်မာနိုင်ငံအလယ်ပိုင်းဒေသတွင် လည်းကောင်း၊ သစ်ထုတ်လုပ်မှု လုပ်ငန်းများသည် မြောက်ပိုင်းဒေသတွင်လည်းကောင်း၊  သတ္တုမဟုတ်သော တွင်းထွက်ပစ္စည်း ထုတ်ကုန်လုပ်ငန်းများသည် တောင်ပိုင်းဒေသတွင်ရှိပြီး အဆိုပါကဏ္ဍများ၌ တီထွင်ဆန်းသစ်မှု အနည်းဆုံးဖြစ်ကာ နည်းပညာပိုင်းတွင်လည်း နိမ့်ပါးသောကြောင့် ဖွံ့ဖြိုးတိုးတက်ရန် အလားအလာ နည်းပါးပါကြောင်း၊ လုပ်ငန်းများအားလုံးသည် လျှပ်စစ်မီးနှင့် ရေပေးဝေရေး စနစ်မှ ဖြန့်ဝေသော ရေကို အပြည့်အဝ မရရှိကြပါကြောင်း၊ ၁၃% လျှပ်စစ်မီး မရရှိခြင်း၊ ၈၀% ရေပေးဝေရေးစနစ်မှ ဖြန့်ဝေသော ရေမရရှိခြင်း နှင့် ၅ % သာလျှင် အင်တာနက်ချိတ်ဆက် အသုံးပြုနိုင်သည်ကို တွေ့ရှိရပါကြောင်း၊

မြန်မာနိုင်ငံရှိလုပ်ငန်းများသည် လက်ဖြစ်ကိရိယာ (Hand tool) များနှင့်အသုံးပြုပြီး ဖြစ်သည့် စက်ယန္တရားများ (Old and Second-Hand Machinery) အပေါ် မှီခို၍ လုပ်ကိုင် နေကြရပါကြောင်း၊ ပြည်ပမှ တင်သွင်းသည့် စက်ပစ္စည်း နည်းပညာ (Technology through imports) များကို အသုံးပြု၍ လုပ်ကိုင်ဆောင်ရွက်သည့် လုပ်ငန်းများမှာ လုပ်ငန်း စုစုပေါင်း၏ ၂၀% ခန့် ရှိပါကြောင်း၊လုပ်ငန်းကြီးအချို့မှလွဲ၍ ကျန်လုပ်ငန်းများတွင် ဈေးကွက် လက်လှမ်းမီမှု (Market Access) ကို ဖြစ်စေမည့်International Standards) လွန်စွာ နည်းပါးပါကြောင်း၊စစ်တမ်းတွင်ပါဝင်သော ထုတ်လုပ်မှုလုပ်ငန်းများ၏ ၈၀% သည် အမျိုးသားများ ဦးဆောင် စီမံခန့်ခွဲသည့် လုပ်ငန်းများ ဖြစ်ပါကြောင်း၊ သည့်အတွက် အမျိုးသားများကဲ့သို့ လုပ်ငန်းလုပ်ကိုင်ရာတွင် အောင်မြင်မှု နည်းပါး ကြပါကြောင်းပြောကြားခဲ့ပါ သည်။

ဆက်လက်၍ UNU-WIDER မှ Director Prof. Finn Tarp မြန်မာနိုင်ငံ MSME စီးပွားရေးလုပ်ငန်း ကုန်ထုတ်လုပ်မှုစစ်တမ်း (၂၀၁၇) တွေ့ရှိချက်များနှင့် စပ်လျဉ်း၍ ရှင်းလင်း တင်ပြခဲ့ပြီး တက်ရောက်လာသူများမှ သိလိုသည်များကို ဆွေးနွေးမေးမြန်းခဲ့ကြပါသည်။

ထို့နောက် မြန်မာနိုင်ငံ MSME စီးပွားရေးလုပ်ငန်း (ကုန်ထုတ်လုပ်မှု)စစ်တမ်းသည် နိုင်ငံတော်၏ စီးပွားရေးဆိုင်ရာ မူဝါဒချမှတ်ခြင်း၊ စီမံကိန်းရေးဆွဲခြင်းနှင့် အစည်းအဝေးကို နံနက် (၁၁:၃၀) နာရီ တွင် ရုပ်သိမ်းခဲ့ပါသည်။ (သတင်းစဉ်)