_0.png)
, 
၁။ ကိုရီးယားသမ္မတနိုင်ငံ၊ Sejong မြို့ Korea Development Institute (KDI) School တွင် ၂၂-၁-၂၀၂၁ ရက်မှ ၁၅-၁၂-၂၀၂၃ ရက်ထိ တက်ရောက်၍ စဉ်ဆက်မပြတ်နှင့် အားလုံးပါဝင်သည့် တိုးတက်မှုအတွက် ကုန်သွယ်ရေးနှင့် စက်မှု မူဝါဒဆိုင်ရာပါရဂူဘွဲ့ရရှိခဲ့သည့် စီမံကိန်းရေးဆွဲရေးဦးစီးဌာနမှ ဒုတိယညွှန်ကြားရေးမှူး ဒေါ်မိုးနွဲ့နွဲ့အောင်၏ အသိပညာဖလှယ်ပွဲ(Knowledge Sharing) ကို ယနေ့ နေ့လယ် ၁၃:၃၀ နာရီတွင် နေပြည်တော်ကောင်စီနယ်မြေရှိ စီမံကိန်းရေးဆွဲရေးဦးစီးဌာန၊ သင်တန်းကျောင်း၌ ကျင်းပပြုလုပ်ပါသည်။
၂။ အသိပညာဖလှယ်ပွဲတွင် ဒုတိယညွှန်ကြားရေးမှူး ဒေါ်မိုးနွဲ့နွဲ့အောင်မှ ရရှိခဲ့သည့် ပါရဂူဘွဲ့ နှင့်ပတ်သက်သည့် အသိပညာများ၊ အတွေ့အကြုံများ၊ ဗဟုသုတများကို ရှင်းလင်းဆွေးနွေးခဲ့ပြီး တက်ရောက်လာသူများ၏ မေးမြန်းဆွေးနွေးချက်များကို ပြန်လည်ရှင်းလင်း ဖြေကြားပါသည်။
၃။ အသိပညာဖလှယ်ပွဲသို့ စီမံကိန်းရေးဆွဲရေးဦးစီးဌာနမှ ဒုတိယညွှန်ကြားရေးမှူးချုပ်၊ ညွှန်ကြားရေးမှူးများနှင့် အရာထမ်း၊ အမှုထမ်း စုစုပေါင်း (၈၅) ဦး တက်ရောက်ပါသည်။