_0.png)
ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံး၏ လစဉ်ဝန်ထမ်းဆန္ဒဖော်ထုတ်ပွဲ (ဒါဘာ) အခမ်းအနားကို ၂၀၂၄ ခုနှစ်၊ ဇူလိုင်လ ၁၈ ရက်နေ့ မွန်းလွဲ ၂:၀၀ နာရီတွင် ကော်မရှင်ရုံးအစည်းအဝေးခန်းမ၌ကျင်းပပြုလုပ်ခဲ့ပါသည်။
အခမ်းအနားတွင် ညွှန်ကြားရေးမှူးချုပ် ဦးကြည်ဇင်ထွန်းက ရုံးတွင်းနှင့်မိမိအလုပ်နေရာဝန်းကျင်ကို သန့်ရှင်းစွာအမြဲဆောင်ရွက်ထားရှိရန်၊ ဝန်ထမ်းအိမ်ရာဝန်းကျင်ကိုလည်း ရေမဝပ်စေရန်နှင့် ရေစီးရေလာကောင်းမွန်စေရေးဆောင်ရွက်ထားရှိရန်လိုကြောင်း၊ ယခုအခါ ဝမ်းပျက်ဝမ်းလျှောရောဂါဖြစ်ပွားလျက်ရှိသောကြောင့် ဝန်ထမ်းများအနေဖြင့် မိမိကိုယ်တိုင်နှင့်မိသားစုများပါ ရောဂါဖြစ်ပွားခြင်းမှကာကွယ်တားဆီးနိုင်ရေးအတွက် စနစ်တကျနေထိုင်စားသောက်သွားရန်လိုကြောင်း ပြောကြားကာအခမ်းအနားကိုမွန်းလွဲ ၃:၀၀ နာရီတွင်ရုပ်သိမ်းခဲ့ပါသည်။
