_0.png)
, 
စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းရေးဆွဲရေးဦးစီးဌာန၏ ဝန်ထမ်းထုဆန္ဒဖော်ထုတ်ပွဲအခမ်းအနားကို ၂၀၂၄ ခုနှစ်၊ ဇူလိုင်လ (၁၀) ရက်၊ မွန်းလွဲ (၁၃:၃၀) နာရီအချိန်တွင် ဌာန၏အစည်းအဝေးခန်းမ၌ Hybrid ပုံစံဖြင့်ကျင်းပပြုလုပ်ခဲ့ရာ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများနှင့် အရာထမ်း၊ အမှုထမ်း စုစုပေါင်း ဝန်ထမ်း (၁၉၄)ဦး တက်ရောက်ပါသည်။
အဆိုပါ ဝန်ထမ်းထုဆန္ဒဖော်ထုတ်ပွဲတွင် ညွှန်ကြားရေးမှူးချုပ်က ပထမသုံးလပတ်အစီရင်ခံစာစုစည်းသည့်အချိန်ကာလဖြစ်သောကြောင့် ဒေတာရယူစုစည်းမှု၊ ဒေတာပြန်လည်စိစစ်မှုများကို စနစ်တကျဆောင်ရွက်ရန်၊ မိုးရာသီကာလဖြစ်သည့်အတွက် ခြင်၊ ယင်များမပေါက်ဖွားစေရေးဂရုစိုက်ကြရန်၊ လုံခြုံရေးအထူးဂရုစိုက်ကြရန်၊ တစ်ကိုယ်ရေသန့်ရှင်းရေးနှင့် ပတ်ဝန်းကျင်သန့်ရှင်းရေးကို အထူးဂရုပြုရန်လိုအပ်ကြောင်းတို့ကို လမ်းညွှန်မှာကြားပါသည်။ ထို့နောက် ကဏ္ဍအသီးသီးရှိဝန်ထမ်းများ၏ တင်ပြချက်များအပေါ် ညွှန်ကြားရေးမှူးချုပ်က ညှိနှိုင်းပေါင်းစပ်ဖြည့်ဆည်း ဆောင်ရွက်ပေးခဲ့ပြီး ဝန်ထမ်းထုဆန္ဒဖော်ထုတ်ပွဲကို မွန်းလွဲ (၁၄:၀၀) နာရီတွင် ရုပ်သိမ်းခဲ့ပါသည်။