_0.png)
, 
စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းရေးဆွဲရေးဦးစီးဌာန၏ အရာထမ်းများလုပ်ငန်းစွမ်းဆောင်ရည်မြှင့်တင်ရေးမွမ်းမံသင်တန်း (၁/၂၀၂၄) နှင့် SUT အခြေခံဆိုင်ရာသင်တန်းဆန်သောဆွေးနွေးပွဲ (၁/၂၀၂၄) သင်တန်းဆင်းပွဲအခမ်းအနားကို ၂၀၂၄ ခုနှစ်၊ ဇူလိုင်လ (၃) ရက်နေ့၊ မွန်းလွဲ (၁၃:၃၀) နာရီအချိန်တွင် စီမံကိန်းရေးဆွဲရေးဦးစီးဌာန၏ သင်တန်းကျောင်း၌ ကျင်းပပြုလုပ်ခဲ့ပါသည်။
သင်တန်းဆင်းပွဲအခမ်းအနားသို့ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများနှင့် သင်တန်းသား/သူများ တက်ရောက်ပါသည်။ အခမ်းအနားတွင် ညွှန်ကြားရေးမှူးချုပ်က သင်တန်းဆင်းအမှာစကား ပြောကြားပြီး ညွှန်ကြားရေးမှူးချုပ်နှင့် ဒုတိယညွှန်ကြားရေးမှူးချုပ်များက သင်တန်းဆင်းလက်မှတ် နှင့် ပထမဆု၊ ဒုတိယဆုနှင့် တတိယဆု ရရှိသူ သင်တန်းသား/သူများကို ဆုများအသီးသီး ချီးမြှင့်ကာ သင်တန်းဆင်းပွဲ အခမ်းအနားကို (၁၄:၂၅) နာရီတွင် ရုပ်သိမ်းခဲ့ပါသည်။