_0.png)
ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံး၏ လစဉ်ပြုလုပ်မြဲဖြစ်သည့် ဝန်ထမ်းဆန္ဒဖော်ထုတ်ပွဲ (ဒါဘာ) အခမ်းအနားကို ၂၀၂၄ ခုနှစ်၊ ဇွန်လ ၂၅ ရက်နေ့ မွန်းလွဲ ၁:၀၀ နာရီတွင် ကော်မရှင်ရုံးအစည်းအဝေးခန်းမ၌ ကျင်းပ ပြုလုပ်ခဲ့ပါသည်။
အဆိုပါအခမ်းအနားတွင် ညွှန်ကြားရေးမှူးချုပ် ဦးကြည်ဇင်ထွန်းက အဖွင့်အမှာစကားပြောကြားရာ၌ မိုးရာသီရောက်ရှိလာပြီဖြစ်သည့်အတွက် ဝန်ထမ်းအများအနေဖြင့်ကျန်းမာရေးကို အထူးဂရုစိုက်ကြရန်လိုအပ်ကြောင်းနှင့် အပတ်စဉ် သောကြာနေ့တိုင်းတွင် ရုံးပရဝုဏ်အတွင်း စုပေါင်းသန့်ရှင်းရေးဆောင်ရွက်ကြရန် မှာကြားခဲ့ပါသည်။ ဆက်လက်၍ ညွှန်ကြားရေးမှူး (စီမံ) က ရုံးလုပ်ငန်းဆိုင်ရာများရှင်းလင်းကာ အခမ်းအနားကို မွန်းလွဲ ၂:၀၀ နာရီတွင် ရုပ်သိမ်းခဲ့ ပါသည်။
