စိစစ်ရေးမှူး-၂ ရာထူးနေရာများအတွက် ရေးဖြေအောင်မြင်သူများစာရင်းနှင့် လူတွေ့စစ်ဆေးမည့် အစီအစဉ်နှင့် ရုံးအကူရာထူးနေရာများအတွက် လူတွေ့စစ်ဆေးမည့် အစီအစဉ် ကြေညာခြင်း

ပြည်ထောင်စုသမ္မတမြန်မာနိုင်ငံတော်အစိုးရ

စီမံကိန်းနှင့်ဘဏ္ဍာရေးဝန်ကြီးဌာန

စီမံကိန်းစိစစ်ရေးနှင့်တိုးတက်မှုအစီရင်ခံရေးဦးစီးဌာန

ရုံးအမှတ်(၃၂)၊ နေပြည်တော်

စိစစ်ရေးမှူး-၂ ရာထူးနေရာများအတွက် ရေးဖြေအောင်မြင်သူများစာရင်းနှင့် လူတွေ့စစ်ဆေးမည့် အစီအစဉ်နှင့် ရုံးအကူရာထူးနေရာများအတွက် လူတွေ့စစ်ဆေးမည့် အစီအစဉ် ကြေညာခြင်း

၁။      စီမံကိန်းနှင့် ဘဏ္ဍာရေး ဝန်ကြီးဌာန၊ စီမံကိန်းစိစစ်ရေးနှင့် တိုးတက်မှုအစီရင်ခံရေး ဦးစီးဌာနမှ နေပြည်တော်၌ ၇-၁-၂၀၂၃ ရက်နေ့တွင် ကျင်းပပြုလုပ်ခဲ့သည့် စိစစ်ရေးမှူး-၂ (လစာနှုန်းကျပ် ၂၁၆၀၀၀-၂၀၀၀-၂၂၆၀၀၀) ရာထူးနေရာများအတွက် ရေးဖြေစာမေးပွဲ အောင်မြင်သူများကို ၁၄-၁-၂၀၂၃ ရက်နေ့ (စနေနေ့)တွင် ကွန်ပျူတာကျွမ်းကျင်မှုနှင့် လူတွေ့စစ်ဆေးခြင်းကိုလည်းကောင်း ရုံးအကူရာထူးနေရာ များကို ၁၅-၁-၂၀၂၃ ရက်နေ့ (တနင်္ဂနွေနေ့)တွင် လူတွေ့စစ်ဆေးခြင်းကိုလည်းကောင်း  ဆောင်ရွက် မည်ဖြစ်ပါသည်။ စိစစ်ရေးမှူး-၂ ရာထူးနေရာများအတွက် ရေးဖြေအောင်မြင်သည့်စာရင်းနှင့် ရုံးအကူ ရာထူးနေရာများအတွက် လူတွေ့ဖြေဆိုခွင့် ရရှိသူများစာရင်းကို ဤဦးစီးဌာန၏ ကြေငြာသင်ပုန်း နှင့် ပူးတွဲပါ PDF ဖိုင်တို့ဖြင့် ဖော်ပြထားရှိပါသည်။

၂။       ရုံးအကူရာထူးနေရာများအတွက် လူတွေ့စစ်ဆေးမှုခံယူရန် တက္ကသိုလ်ဝင်တန်းအောင်လက်မှတ် မူရင်းနှင့် နိုင်ငံသားစိစစ်ရေးကတ်ပြားမူရင်းတို့ကို မိမိနှင့်တစ်ပါတည်းယူဆောင်လာရမည် ဖြစ်ပါကြောင်း နှင့် စိစစ်ရေးမှူး-၂ ရာထူးနေရာများ အတွက် ကွန်ပျူတာကျွမ်းကျင်မှုနှင့် လူတွေ့စစ်ဆေးမှုခံယူရန်  စီမံကိန်းစိစစ်ရေးနှင့် တိုးတက်မှုအစီရင်ခံရေးဦးစီးဌာန၊ ရုံးအမှတ်(၃၂)၊ နေပြည်တော်သို့ မိမိတို့ ဖြေဆို ရမည့်ရက်များတွင် သတ်မှတ်အချိန် အတိုင်း သတင်းပို့ကြရန်နှင့် အောက်ဖော်ပြပါ စာရွက်စာတမ်းများ ကို မိမိနှင့်တစ်ပါတည်း ယူဆောင်လာရမည် ဖြစ်ပါကြောင်း အသိပေးအပ်ပါသည်-

          (က)    ဘွဲ့လက်မှတ် သို့မဟုတ် အောင်လက်မှတ် မူရင်း

          (ခ)     တက္ကသိုလ်ဝင်တန်းအောင်လက်မှတ် မူရင်း

          (ဂ)     နိုင်ငံသားစိစစ်ရေးကတ်ပြား မူရင်း

၃။      လူတွေ့စစ်ဆေးမှုနှင့် စပ်လျဉ်း၍ အသေးစိတ်သိရှိလိုပါက ဖုန်းနံပါတ် ၀၆၇-၃၄၀၆၀၆၆၊ ၀၆၇-၃၄၀၆၀၆၇၊ ၀၆၇-၃၄၀၆၅၁၂ တို့သို့ ဆက်သွယ်စုံစမ်းမေးမြန်းနိုင်ပါသည်။

စီမံကိန်းစိစစ်ရေးနှင့်တိုးတက်မှုအစီရင်ခံရေးဦးစီးဌာန

စိစစ်ရေးမှူး-၂ ရာထူးနေရာများအတွက် ကွန်ပျူတာကျွမ်းကျင်မှုနှင့် လူတွေ့စစ်ဆေးမည့် အစီအစဉ် နှင့် ရုံးအကူရာထူးနေရာများအတွက် လူတွေ့စစ်ဆေးမည့် အစီအစဉ် ကြေညာခြင်း

ကျင်းပမည့်နေရာ။     စီမံကိန်းစိစစ်ရေးနှင့်တိုးတက်မှုအစီရင်ခံရေးဦးစီးဌာန၊

ရုံးအမှတ်(၃၂)၊ နေပြည်တော်