_0.png)
မြန်မာ့အာမခံလုပ်ငန်း၊ မကွေးတိုင်းဒေသကြီးရုံးမှ အာမခံလုပ်ငန်းအသိပညာပြန့်ပွားရေး ဟောပြောပွဲကို (၃-၂-၂၀၁၈)ရက်နေ့ နံနက် ၁၀:၀၀ နာရီတွင် မကွေးတိုင်းဒေသကြီး၊ မင်းဘူးမြို့နယ်၊ ပညာရေးမှူးရုံးခန်းမတွင် ကျင်းပခဲ့ပါသည်။
အဆိုပါဟောပြောပွဲတွင် တိုင်းဒေသကြီးတာဝန်ခံက မြန်မာ့အာမခံလုပ်ငန်း၏ ရည်ရွယ်ချက်နှင့် ဆောင်ရွက်လျက်ရှိသော လုပ်ငန်းများအပါအဝင် ပြည်သူ့ဝန်ထမ်းအသက်အာမခံအကြောင်းကို အကျယ်တဝင့်ရှင်းလင်းပြောကြားခဲ့ပါသည်။ ဟောပြောပွဲသို့ တက်ရောက်သူ မင်းဘူးမြို့နယ်မှ ပညာရေးဝန်ထမ်း(၁၂၀)ဦးခန့်ရှိရာ တက်ရောက်လာသူများမှ မေးမြန်းမှုများကို တိုင်းတာဝန်ခံမှ ပြန်လည်ရှင်းလင်းဖြေကြားပြီး ဟောပြောပွဲကို ၁၂:၀၀ နာရီတွင် ရုတ်သိမ်းခဲ့ပါသည်။
