_0.png)
, 
, 
, 
, 
, 
, .jpg)
ပြည်သူ့ဘဏ္ဍာရေးစီမံခန့်ခွဲမှုအခြေခံသင်တန်း အမှတ်စဉ် (၁) ဖွင့်ပွဲ အခမ်းအနားကို စီမံကိန်း၊ ဘဏ္ဍာရေးနှင့်စက်မှုဝန်ကြီးဌာန၊ ရသုံးမှန်းခြေငွေစာရင်းဦးစီးဌာန၊ ပြည်သူ့ဘဏ္ဍာရေး စီမံခန့်ခွဲမှုသင်တန်းကျောင်းတွင် ၂၀၂၀ ပြည့်နှစ်၊ ဖေဖော်ဝါရီလ ၂၄ ရက်နေ့ နံနက် (၉:၀၀) နာရီအချိန်၌ ကျင်းပပြုလုပ်ခဲ့ရာ အဆိုပါဖွင့်ပွဲအခမ်းအနားသို့ စီမံကိန်း၊ ဘဏ္ဍာရေးနှင့် စက်မှု ဝန်ကြီးဌာန၊ ဒုတိယဝန်ကြီး၊ ပြည်သူ့ဘဏ္ဍာရေးစီမံခန့်ခွဲမှုသင်တန်းကျောင်း စီမံခန့်ခွဲမှုအဖွဲ့ ဉက္ကဋ္ဌ ဦးမောင်မောင်ဝင်း တက်ရောက်အမှာစကား ပြောကြားခဲ့ပါသည်။
ဖွင့်ပွဲအခမ်းအနားသို့ ပြည်သူ့ဘဏ္ဍာရေးစီမံခန့်ခွဲမှုသင်တန်းကျောင်း စီမံခန့်ခွဲမှုအဖွဲ့ အဖွဲ့ဝင်များ၊ စီမံကိန်း၊ ဘဏ္ဍာရေးနှင့် စက်မှုဝန်ကြီးဌာနမှ အမြဲတမ်းအတွင်းဝန်များ၊ ညွှန်ကြား ရေးမှူးချုပ်များ၊ ဦးဆောင်ညွှန်ကြားရေးမှူးများ၊ ဒုတိယညွှန်ကြားရေးမှူးချုပ်များ၊ ညွှန်ကြားရေး မှူးများ၊ ပြည်သူ့ဘဏ္ဍာရေးစီမံခန့်ခွဲမှု သင်တန်းကျောင်းမှ နည်းပြ ဆရာ၊ ဆရာမများ၊ အချိန်ပိုင်း လာရောက်ပို့ချမည့် ဌာနအဖွဲ့အစည်းများမှ ဆရာ၊ ဆရာမများနှင့် ဝန်ကြီးဌာနအဖွဲ့အစည်း (၇၄) ခုမှ သင်တန်းသား ၁၅၀ ဦး၊ စုစုပေါင်း ၂၀၀ ဦး ခန့် တက်ရောက်ခဲ့ကြပါသည်။ အဆိုပါ သင်တန်းတွင် ပြည်သူ့ဘဏ္ဍာရေးစီမံခန့်ခွဲမှုဆိုင်ရာ အခြေခံများ၊ စီမံကိန်းရေးဆွဲခြင်းနှင့် ဘတ်ဂျက်ရေးဆွဲခြင်း၊ စာရင်းပြုစုခြင်းနှင့် စာရင်းစစ်ဆေးခြင်း၊ ဘဏ္ဍာရေးနှင့် စီမံခန့်ခွဲမှု ဘာသာရပ်များကို စာတွေ့လက်တွေ့ သင်ကြားပို့ချပေးမည်ဖြစ်ပြီး၊ သင်တန်းကာလမှာ အချိန်ပိုင်း တက်ရောက်ရမည်ဖြစ်၍ (၅) လကြာမြင့်မည်ဖြစ်ကြောင်း၊ နှစ်စဉ်တစ်နှစ်လျှင် သင်တန်း (၂) ကြိမ် ဖွင့်လှစ်မည်ဖြစ်ကြောင်း၊ နိုင်ငံ့ဝန်ထမ်းများအတွက် ဖွင့်လှစ်ပေးရန် အမှန်တကယ် လိုအပ် နေသော သင်တန်းဖြစ်ကြောင်း သိရသည်။