မြန်မာနိုင်ငံပြည်သူ့ဘဏ္ဍာရေးစီမံခန့်ခွဲမှု ခေတ်မီဖွံ့ဖြိုးတိုးတက်ရေးစီမံကိန်းနှင့် စပ်လျဉ်း၍ ကမ္ဘာ့ဘဏ်အဖွဲ့နှင့် တွေ့ဆုံဆွေးနွေးမှု

စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးမောင်မောင်ဝင်း ဦးဆောင်သော ပြည်သူ့ဘဏ္ဍာရေးစီမံခန့်ခွဲမှု ပြုပြင်ပြောင်းလဲရေးဦးဆောင်အဖွဲ့ဝင်များနှင့် ကမ္ဘာ့ဘဏ် Practice Manager Mr. Fily Sissoko ဦးဆောင်သော Mission အဖွဲ့တို့သည် ၂၀၁၉ ခုနှစ်၊ ဇူလိုင်လ (၂) ရက်နေ့ ၊ နံနက် (၉:၀၀) နာရီအချိန်တွင် ရုံးအမှတ် (၂၆) ၊ အစည်းအဝေးခန်းမ၌ တွေ့ဆုံ ဆွေးနွေးခဲ့ပါသည်။ အဆိုပါ ဆွေးနွေးပွဲတွင် မြန်မာနိုင်ငံပြည်သူ့ဘဏ္ဍာရေးစီမံခန့်ခွဲမှု ခေတ်မီ ဖွံ့ဖြိုးတိုးတက်ရေးစီမံကိန်း အကောင်အထည်ဖော် ဆောင်ရွက်ပြီးစီးမှု အခြေအနေ၊ ရှေ့ဆက်လက် ဆောင်ရွက်ရန်ရှိသည့် လုပ်ငန်းစဉ်များ၊  စီမံကိန်း သက်တမ်းတိုးဆောင်ရွက်ရေး နှင့် PFM reform Phase II အတွက် ရှေ့ဆက်လက်ဆောင်ရွက်မည့်လုပ်ငန်းစဉ်များနှင့် ပတ်သက်၍  ဆွေးနွေးခဲ့ ကြပါသည်။