ငွေစုဘဏ်စာရင်း( Savings Deposit Account )

စာရင်းဖွင့်လှစ်နိုင်သူများ

          -     ပုဂ္ဂလိက တစ်ဦးချင်းအသက် ( ၁၈ )နှစ်ပြည့်ပြီးသူဖြစ်ရမည်။

စာရင်းဖွင့်ရန်အတွက်လိုအပ်ချက်များ

-   ပုဂ္ဂလိကတစ်ဦးချင်း

          (၁) နိုင်ငံသားစိစစ်ရေးကဒ်မူရင်း/မိတ္တူတင်ပြရမည်။

          (၂) ဘဏ်မှသတ်မှတ်ပုံစံတွင် ဖြည့်စွက်၍ စာရင်းဖွင့်ခွင့် လျှောက်ထားရမည်။

  (၃) ကျပ်သိန်း (၁၀၀) အထက် အပ်နှံခြင်းဖြစ်လျှင် ဝင်ငွေရလမ်းဖော်ပြနိုင်ရမည်။ ဘဏ်မှ လိုအပ်ချက်တောင်းခံလျှင် အထောက်အထား တင်ပြနိုင်ရမည်။

ကနဦးအပ်နှံငွေ                       -        ၁၀၀၀ ကျပ်

အနည်းဆုံးလက်ကျန်ငွေ           -        ၁၀၀၀ ကျပ်

အတိုးနှုန်း ( တစ်နှစ်လျှင် )  -        ၈ %

အတိုးတွက်ပုံ         

အပ်ငွေကို လစဉ်လဆန်း ( ၁) ရက်နေ့မှ ( ၄ ) ရက်နေ့အတွင်း ပေးသွင်းနိုင်ပြီး လကုန်ရက် တွင်ကျန်ရှိသော အနည်းဆုံးလက်ကျန်ပေါ်တွင်တွက်ချက်၍ (၆) လလျှင်တစ်ကြိမ်အတိုး ထည့်သွင်း ပေးပါသည်။

ပုံသေအပ်နှံငွေစာရင်း ( Fixed Deposit Account )

စာရင်းဖွင့်လှစ်နိုင်သူများ      

          -     ပုဂ္ဂလိက တစ်ဦးချင်းအသက် ( ၁၈ )နှစ်ပြည့်ပြီးသူဖြစ်ရမည်။

စာရင်းဖွင့်ရန်အတွက်လိုအပ်ချက်များ

-   ပုဂ္ဂလိကတစ်ဦးချင်း

          (၁) နိုင်ငံသားစိစစ်ရေးကဒ်မူရင်း/မိတ္တူတင်ပြရမည်။

          (၂) ဘဏ်မှသတ်မှတ်ပုံစံတွင် ဖြည့်စွက်၍ စာရင်းဖွင့်ခွင့် လျှောက်ထားရမည်။

                         (၃) ကျပ်သိန်း (၁၀၀) အထက် အပ်နှံခြင်းဖြစ်လျှင် ဝင်ငွေရလမ်းဖော်ပြနိုင်ရမည်။ ဘဏ်မှ လိုအပ်ချက်တောင်းခံလျှင် အထောက်အထား တင်ပြနိုင်ရမည်။

-   ကုမ္ပဏီ/အဖွဲ့အစည်း

(၁)     သင်းဖွဲ့စည်းမျဉ်း/သင်းဖွဲ့မှတ်တမ်းမူရင်း/မိတ္တူ

(၂) MFTB တွင် ငွေစုဘဏ်စာရင်း ဖွင့်လှစ်ရန် အစည်းအဝေးဆုံးဖြတ်ချက်နှင့် ဘဏ်စာရင်းတွင် ငွေသွင်း/ငွေထုတ် ဆောင်ရွက်မည့် ပုဂ္ဂိုလ်( ၁ ) ဦး( သို့ ) တစ်ဦး ထက်ပိုသော ပုဂ္ဂိုလ်များ

(၃) ဘဏ်မှသတ်မှတ်ပုံစံတွင် ဖြည့်စွက်၍ စာရင်းဖွင့်လှစ်ခွင့်လျှောက်လွှာ ( သို့ ) ကုမ္ပဏီ/ အဖွဲ့အစည်း၏ Letter Head ဖြင့် ငွေစုဘဏ်စာရင်း ဖွင့်လှစ်ခွင့်လျှောက်လွှာ

(၄) ဘဏ်စာရင်းတွင် ငွေသွင်း/ငွေထုတ် ဆောင်ရွက်မည့် ပုဂ္ဂိုလ်များ၏ နိုင်ငံသားစိစစ်ရေး ကဒ်မူရင်း/မိတ္တူ

 (၅)   ငွေစုဘဏ်စာရင်းဖွင့်လှစ်ခွင့်လျှောက်သောကာလနှင့် တဆက်တည်းဖြစ်သော ပြီးခဲ့သော ဘဏ္ဍာရေးနှစ်၏ စာရင်းစစ်ဆေးပြီး ဘဏ္ဍာရေးရှင်းတမ်း

 (၆)    အခွန်ကင်းရှင်းကြောင်း ( သို့ )အခွန်ထမ်းဆောင်ပြီးကြောင်း ပြည်တွင်းအခွန်များဦးစီး ဌာန၏ ထောက်ခံစာ ( ကျပ်သိန်း ( ၁၀၀ ) နှင့်အထက်ဖြစ်လျှင် )

အပ်နှံငွေ ( အနည်းဆုံး )

      -  ပုဂ္ဂလိကတစ်ဦးချင်း                  -            ၁၀၀,၀၀၀          ကျပ်

      -  ကုမ္ပဏီ/အဖွဲ့အစည်း                  -        ၁,၀၀၀,၀၀၀ ကျပ်

အတိုးနှုန်း          -  (၃) လအပ်နှံငွေပေါ်တွင် ၈.၂၅ %

                            -  (၆) လအပ်နှံငွေပေါ်တွင် ၈.၅၀ %

                            -  (၉) လအပ်နှံငွေပေါ်တွင် ၈.၇၅ %

ငွေစုစာအုပ် ( Savings Passbook )

        ငွေစုဘဏ်စာရင်းပိုင်ရှင်တိုင်းအား ငွေသွင်း/ငွေထုတ်နှင့် လက်ကျန်ငွေတို့ကို အတည်ပြုထားသည့် ငွေစုစာအုပ် ထုတ်ပေးမည်ဖြစ်ပါသည်။ ငွေစုစာအုပ်မပါဘဲ ငွေထုတ် ခွင် မရှိပါ။

ငွေသွင်းခြင်း ( Deposit )

        မိမိ Account ထဲသို့ ငွေသွင်းပါက မိမိကိုယ်တိုင် ငွေသွင်းနိုင်သည့်အပြင် ကိုယ်စားလှယ်ဖြင့် လည်း ငွေသွင်းနိုင်ပါသည်။ ငွေသွင်းတိုင်း ငွေစုစာအုပ်တင်ပြရမည်။

ငွေထုတ်ယူခြင်း ( Withdraw )

       မိမိ Account ထဲရှိ ငွေကို မိမိကိုယ်တိုင် ထုတ်ယူနိုင်သည့်အပြင် ကိုယ်စားလှယ် ဖြင့်လည်း ငွေထုတ်ယူနိုင်ပါသည်။ ငွေထုတ်ယူတိုင်း ငွေစုစာအုပ်နှင့် မှတ်ပုံတင်မူရင်းကို တင်ပြရမည်။ အပ်နှံငွေစာရင်းမှ ငွေထုတ်ယူခြင်းကို ရက်သတ္တတစ်ပတ်လျှင် တစ်ကြိမ်သာ ထုတ်ယူခွင့်ပြုပါမည်။

ပုံသေအပ်နှံငွေစာရင်း ဖွင့်လှစ်ထားသူများအား အောက်ပါဝန်ဆောင်မှုများ ဆောင်ရွက်ပေးပါမည် -

• ပုံသေအပ်နှံငွေစာရင်း အချိန်စေ့ရောက်သည့်နေ့တွင် ငွေအပ်နှံသူမှဘဏ်သို့ လာရောက်၍ ငွေသားပြန်လည်ထုတ်ယူနိုင်ပါသည်။
• ပုံသေအပ်နှံငွေစာရင်းကို အချိန်စေ့ရောက်တိုင်း သက်တမ်းတိုးပေးရန်နှင့် စာရင်းပိုင်ရှင်မှ ဘဏ်သို့ ညွှန်ကြားထားနိုင်ပါသည်။
• ပုံသေအပ်နှံငွေစာရင်းမှ အတိုးကို အတိုးငွေသာထုတ်ယူမည် (သို့) ငွေစုဘဏ် စာရင်းသို့ ထည့်သွင်းရမည်ကို စာရင်းပိုင်ရှင်မှဘဏ်သို့ ညွှန်ကြားထား နိုင်ပါသည်။

ငွေသွင်းခြင်းနှင့်ငွေထုတ်ခြင်းကို ဆောင်ရွက်နိုင်သည့် နည်းလမ်းများမှာ -

• ငွေသားဖြင့် ပေးသွင်းခြင်း/ထုတ်ခြင်း
• စာရင်းပြောင်းပေးသွင်းခြင်း/ ထုတ်ခြင်း

မှတ်ချက်။   ငွေသားဖြင့် ငွေပေးသွင်းခြင်းကို ကျပ်သိန်း (၁၀၀) အထိလည်းကောင်း၊ ကျပ်သိန်း (၁၀၀) အထက်ဖြစ်လျှင် ချက်လက်မှတ်ဖြင့်လည်းကောင်း၊ ဘဏ်တွင် ဖွင့်လှစ်ထားသော ကျပ်ငွေစာရင်းမှ စာရင်းလွှဲပြောင်းသည့် စနစ်ဖြင့် လည်းကောင်း၊ CBM-NET ဖြင့်လည်းကောင်း ပေးသွင်းနိုင်ပါသည်။