စီမံကိန်းနှင့်ဘဏ္ဍာရေးဝန်ကြီးဌာန၊ ပင်စင်ဦးစီးဌာန၏ ၁၆-၁-၂၀၂၃ ရက်နေ့ တွင် ကျရောက်သော (၄၇) နှစ်မြောက် နှစ်ပတ်လည်နေ့အထိမ်းအမှတ်အဖြစ် နံနက်ပိုင်း၌ ပင်စင်ဦးစီးဌာန၊ ဘုရားခန်းတွင် သံဃာတော် (၅) ပါးအား ညွှန်ကြားရေးမှူးချုပ် ဦးရဲညွန့်၊ ဒုတိယညွှန်ကြားရေးမှူးချုပ် ဦးမင်းဇော်ဝင်း၊ သက်ဆိုင်ရာဌာနခွဲ ညွှန်ကြားရေးမှူး များနှင့် ပင်စင်ဦးစီးဌာနမှ ဝန်ထမ်းများမှ ဆွမ်းခဲဖွယ်များ ဆက်ကပ်လှူဒါန်း၍ တရားတော် နာယူခဲ့ကြပါသည်။

ညနေပိုင်းတွင် ရုံးအမှတ် (၃၄) စုပေါင်းခန်းမ၌ ဒုတိယဝန်ကြီး ဦးမောင်မောင်ဝင်း၊ ဖိတ်ကြားထားသော ဧည့်သည်တော်များနှင့် ပင်စင်ဦးစီးဌာနမှ အရာထမ်း၊ အမှုထမ်းများသည် (၄၇) နှစ်မြောက် ပင်စင်ဦးစီးဌာန နှစ်ပတ်လည်နေ့အထိမ်းအမှတ် နှစ်ပတ်လည်ညစာစားပွဲ အား ပါဝင်ဆင်နွဲခဲ့ပါသည်။ အဆိုပါ ညစာစားပွဲတွင် ပင်စင်ဦးစီးဌာနမှ ဝန်ထမ်းများအား အမှတ်တရလက်ဆောင်များ ကံစမ်းမဲဖောက်ပေးခဲ့ကြပြီး ဝန်ထမ်းများမှလည်း တေးသီချင်းများဖြင့် ကပြသီဆိုဖျော်ဖြေခဲ့ကြပါသည်။