နေပြည်တော်၊ မတ် ၅

စင်ကာပူနိုင်ငံတွင် ၁-၂-၂၀၂၄ ရက်နေ့မှ ၃၁-၁-၂၀၂၅ ရက်နေ့ထိ ဖွင့်လှစ်ခဲ့သည့် မက်ခရို စီးပွားရေးဆိုင်ရာ သုတေသနလုပ်ငန်းခွင်သင်တန်း “AMRO Secondment Program” သို့ တက်ရောက်ခဲ့သည် အတွေ့အကြုံဗဟုသုတများ မျှဝေခြင်းအစီအစဉ်ကို ၂၀၂၅ ခုနှစ် မတ်လ (၅) ရက်နေ့၊ နံနက် ၉:၃၀ နာရီတွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ် (၃၄)၊ စုပေါင်းခန်းမ၌ ကျင်းပပြုလုပ်ခဲ့ပါသည်။ အဆိုပါအစီအစဉ်သို့ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်၊ ညွှန်ကြားရေးမှူးများနှင့်အရာထမ်း၊ အမှုထမ်း (၈၆) ဦး တက်ရောက်ခဲ့ကြပါသည်။

အဆိုပါ လုပ်ငန်းခွင်သင်တန်းသို့ တက်ရောက်ခဲ့သည့် လက်ထောက်ညွှန်ကြားရေးမှူး ဒေါ်စုစုလှိုင် က AMRO ဖွဲ့စည်းရခြင်း၏ ရည်ရွယ်ချက်၊ အဓိကလုပ်ငန်းဆောင်ရွက်မှုများ ဖွဲ့စည်းမှုပုံစံ၊ AMRO က ပေးအပ်သည့် Secondment Program ၏ ရည်ရွယ်ချက်နှင့် ပါဝင်သည့်နိုင်ငံများ၊ အဆိုပါ Secondment Program တွင်  တာဝန်ယူဆောင်ရွက်ရသည့် လုပ်ငန်းတာဝန်များ၊ Secondee တစ်ဦးအနေဖြင့် မိမိနိုင်ငံအဖြစ် အခြားအာဆီယံ+၃ နိုင်ငံတစ်ခုကို တာဝန်ယူဆောင်ရွက်ရပုံ၊ ဖိလစ်ပိုင်နိုင်ငံသို့ Annual Country Consultation Visit သွားရောက်တာဝန်ယူရခြင်းနှင့် Annual Country Report ပြုစုခြင်းနှင့်အတွေ့အကြုံများ၊ Secondment Program  လျှောက်ထားရာတွင် ကြုံတွေ့ရနိုင်သည့် အခက်အခဲများနှင့် ဖြေရှင်းနိုင်သည့် အကြုံပြုချက်များ၊ လိုအပ်သည့် ကြိုတင်ပြင်ဆင်မှုများကို ဆွေးနွေးတင်ပြခဲ့ပါသည်။ ဆက်လက်၍ တက်ရောက်လာသူများမှ မေးမြန်းဆွေးနွေးခြင်း၊ အသိပညာဖလှယ်ခြင်းများ ပြုလုပ်ခဲ့ကြပါသည်။