ရုံးအမှတ် (၃၂)၊ အစည်းအဝေးခန်းမ Guangxi Zhuang Autonomous Region Bureau of Statistics မှ Deputy Director-General, Mr. Xu Tang ဦးဆောင်သော ကိုယ်စားလှယ်အဖွဲ့သည် မြန်မာနိုင်ငံ၏ စာရင်းအင်း ဆိုင်ရာလုပ်ငန်းများနှင့် နည်းပညာတို့ကို လေ့လာရန် စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့သို့ ၂၀၁၉ ခုနှစ် မေလ (၁၅) ရက်နေ့တွင် အလုပ်သဘောအလည်အပတ် ခရီးအဖြစ် လာရောက်လည်ပတ်ခဲ့ရာ ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဉီးဆန်းမြင့် နှင့် ဒုတိယညွန်ကြားရေးမှူးချုပ် ဦးသန်းဇော်တို့ ဉီးဆောင်သောအဖွဲ့မှ လက်ခံတွေ့ဆုံခဲ့ပါ သည်။ တွေ့ဆုံဆွေးနွေးပွဲတွင် ဗဟိုစာရင်းအင်းအဖွဲ့၊ ဒုတိယညွန်ကြားရေးမှူးချုပ် ဦးသန်းဇော်မှ ကြိုဆိုနှုတ်ခွန်းဆက်စကားပြောကြားပြီး ဗဟိုစာရင်းအင်းအဖွဲ့၊ လက်ထောက်ညွှန်ကြားရေးမှူး ဒေါ်ညိုညိုစန်းမှ ဗဟိုစာရင်းအင်းအဖွဲ့၏ မျှော်မှန်းချက်နှင့် လုပ်ငန်းစဉ်များ ကျင့်သုံးလျက်ရှိ သည့် စာရင်းအင်းစနစ်၊ ဖွဲ့စည်းထားရှိမှု၊ လိုက်နာဆောင်ရွက်သည့် စာရင်းအင်းဥပဒေ၊ အမျိုးသားစာရင်းအင်းစနစ်အတွင်းနှင့် စနစ်ပြင်ပတို့၌ ပူးပေါင်းဆောင်ရွက်မှု ယန္တရား၊ စာရင်း အင်းဆိုင်ရာဖွံ့ဖြိုးမှု အမျိုးသားအဆင့်မဟာဗျူဟာ၊ ကမ္ဘာလုံးဆိုင်ရာ စဉ်ဆက်မပြတ် ဖွံ့ဖြိုးမှု ပန်းတိုင်များဆိုင်ရာ ညွှန်ကိန်းများနှင့် မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှု စီမံကိန်းအား စောင့်ကြည့်အကဲဖြတ်နိုင်ရန် အမျိုးသားညွှန်ကိန်းမူဘောင် တို့အား လုပ်ငန်းဆောင်ရွက်မှု အခြေအနေ၊ ဗဟိုစာရင်းအင်းအဖွဲ့မှ ဆောင်ရွက်လျက်ရှိသည့် စစ်တမ်းများ၊ အချက်အလက်ဖြန့်ဝေသည့် နည်းစနစ်နှင့် ရှေ့ဆက်ဆောင်ရွက်မည့် လုပ်ငန်းစဉ် များနှင့်စပ်လျဉ်း၍ ရှင်းလင်းတင်ပြခဲ့ပါသည်။ ဆက်လက်၍ Guangxi Zhuang Autonomous Region Bureau of Statistics (GBS) မှ Deputy Director-General, Mr. Xu Tang မှ GBS စတည်ဖြစ်တည်လာမှု၊ အဓိက တာဝန်ယူ ဆောင်ရွက်မှုများ၊ ခေတ်မီစာရင်းအင်း စစ်တမ်းစနစ် ထူထောင်ထားရှိမှု၊ အဆင့်မြင့် စာရင်းအင်း နည်းစနစ်များ၊ စာရင်းအင်းလုပ်ငန်း ဆိုင်ရာ စံသတ်မှတ်ချက်များ၊ ပူးပေါင်းဆောင်ရွက်မှုများနှင့် 5th China-ASEAN Statistics Forum ကျင်းပနိုင်ရေးအတွက် ပြင်ဆင်ဆောင်ရွက်မှုများ စသည်တို့အား ရှင်းလင်းတင်ပြခဲ့ပြီး 5th China-ASEAN Statistics Forum တွင် ဗဟိုစာရင်းအင်းအဖွဲ့မှ ပူးပေါင်းပါဝင်တက်ရောက်ပေးပါရန် ဖိတ်ကြားခဲ့ပါသည်။ ထို့နောက် နှစ်နိုင်ငံစာရင်းအင်းရုံးများအကြား ပူးပေါင်းဆောင်ရွက်နိုင်မည့် အခွင့်အလမ်း များနှင့် မြန်မာနိုင်ငံ အမျိုးသားစာရင်းအင်းစနစ်အတွင်း ရင်ဆိုင်ကြုံတွေ့နေရသည့် အခက်အခဲ များကို အပြန်အလှန် ဆွေးနွေးတိုင်ပင်မှုများ ပြုလုပ်ခဲ့ကြပြီးနောက် ဗဟိုစာရင်းအင်းအဖွဲ့၊ ဒုတိယညွှန်ကြားရေးမှူးချုပ် ဉီးသန်းဇော်မှ နိဂုံးချုပ် စကားပြောကြားခဲ့ပြီး လေ့လာရေးအဖွဲ့မှ ဗဟိုစာရင်းအင်းအဖွဲ့ရှိ ဌာနခွဲများ၊ ဌာနစိတ်များနှင့် သင်တန်းခန်းမများသို့ သွားရောက်လေ့လာ ကြည့်ရှုခဲ့ပါသည်။

Posted By : editor, Date : 17.05.2019 comment

အဂတိလိုက်စားမှု တားဆီးကာကွယ်ရေးနှင့် စပ်လျဉ်း၍ ဒုတိယအကြိမ် ရှင်းလင်း ဆွေးနွေးပွဲကို (၁၄-၅-၂၀၁၉) ရက်နေ့တွင် စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ် (၃၂)တွင် ကျင်းပခဲ့ပါသည်။ အဆိုပါ ရှင်းလင်းဆွေးနွေးပွဲသို့ စီမံကိန်းနှင့် ဘဏ္ဍာရေးဝန်ကြီးဌာန အမြဲတမ်းအတွင်းဝန် ဦးထွန်းထွန်းနိုင်၊ ဦးစီးဌာန/အဖွဲ့များမှ ညွှန်ကြားရေးမှူးချုပ်များ၊ ဝန်ကြီးဌာန၏ အဂတိလိုက်စားမှု တားဆီးကာကွယ်ရေးအဖွဲ့ အဖွဲ့ဝင်များ၊ အရာထမ်း၊ အမှုထမ်း များ စုစုပေါင်းအင်အား (၅၀) ဦး တက်ရောက် ခဲ့ပါသည်။

          အမြဲတမ်းအတွင်းဝန် ဦးထွန်းထွန်းနိုင်က အဖွင့်အမှာစကား ပြောကြားရာတွင် အဂတိ လိုက်စားမှု ပြဿနာသည် ဌာနတိုင်း၊ ဝန်ထမ်းတိုင်းအတွက် အရေးကြီးကြောင်း၊ အဂတိလိုက် စားမှုကြောင့် ဌာန၏ Image ဝန်ထမ်း၏ Image နှင့် ဝန်ထမ်း မိသားစု၏ Image တို့ကို ထိခိုက် စေနိုင်ကြောင်း၊ဝန်ထမ်းများအား အဂတိလိုက်စားသော ပြစ်မှုကျူးလွန်ပြီးမှ အရေးယူရခြင်းသည် ကျူးလွန်ခဲ့သူများ၌ ကြီးမားသော ထိခိုက်နစ်နာ ဆုံးရှုံးမှုများဖြစ်စေနိုင်သကဲ့သို့ တာဝန်ရှိသူများ အနေဖြင့်လည်း တာဝန်ယူမှုအားနည်းချက်ရှိကြောင်း၊တစ်နည်းအားဖြင့် တာဝန်မကင်းဟု မှတ် ယူနိုင်ကြောင်း၊ ယင်းအတွက် ဝန်ကြီးဌာန/ အဖွဲ့အစည်းများတွင် အဂတိလိုက်စားမှု တားဆီး ကာကွယ်ရေးအဖွဲ့(CPU) များကို ဖွဲ့စည်းခဲ့ခြင်းဖြစ်ကြောင်း၊ CPU များ၏ လုပ်ငန်းတာဝန် (၃) ရပ် မှာ အဂတိလိုက်စားမှု ပြဿနာများကို စိစစ်ဖော်ထုတ်ရန်၊ အဂတိလိုက်စားမှု ပြဿနာများကို ဖြေရှင်းရန်၊ နိုင်ငံ့ဝန်ထမ်းများ အဂတိလိုက်စားမှု ဆက်လက်မဖြစ်ပွားရေး တားဆီးကာကွယ်ရန် ဖြစ်ကြောင်း၊ ဝန်ထမ်းများအနေဖြင့် အဂတိလိုက်စားမှု ဖြစ်ပေါ်စေနိုင်သည့် အကြောင်းအရာ အချက်အလက်များကို နားလည်သိရှိထားရန်နှင့် အဆိုပါအကြောင်းအရာ အချက်အလက်များ အပေါ် မူတည်ပြီး မိမိဌာနတွင် အဂတိလိုက်စားမှု မဖြစ်ပေါ်စေရေးအတွက် ပူးပေါင်းဆောင်ရွက် ပေးကြရန် ပြောကြားခဲ့ပါသည်။

          ဆက်လက်၍ အဂတိလိုက်စားမှု တားဆီးကာကွယ်ရေးအဖွဲ့ (CPU) အဖွဲ့ဝင် ညွှန်ကြား ရေးမှူး(၂)ဦးမှ အဂတိလိုက်စားမှု၏ သဘောတရားနှင့် အကျိုးသက်ရောက်မှုများ၊ CPU ၏ လုပ်ပိုင်ခွင့်နှင့် အဂတိလိုက်စားနိုင်ချေအန္တရာယ်ရှိမှု ဆန်းစစ်လေ့လာခြင်း၊ အဂတိလိုက်စားမှု တားဆီး ကာကွယ်ရေးအဖွဲ့ ဖွဲ့စည်းခြင်းနှင့် လုပ်ငန်းတာဝန်၊ တိုင်ကြားစာများအပေါ် အရေးယူ ဆောင်ရွက်ပုံ အဆင့်ဆင့်၊ တိုင်ကြားစာနှင့် ပတ်သက်၍ အရေးယူဆောင်ရွက်ခြင်း၊ နိုင်ငံ့ဝန်ထမ်း ကျင့်ဝတ်များတွင် သမာသမတ်ရှိမှုနှင့် အဂတိလိုက်စားမှု တားဆီးကာကွယ်ရေးအဖွဲ့များ (CPUs) နှင့် ဆက်နွယ်ပတ်သက်မှု၊ နိုင်ငံ့ဝန်ထမ်းဥပဒေ၊ နိုင်ငံ့ဝန်ထမ်း နည်းဥပဒေများဖြင့် ဌာနဆိုင်ရာ အရေးယူခြင်းစသည့် အကြောင်းအရာများကို ရှင်းလင်း ဆွေးနွေးခဲ့ပါသည်။ (သတင်းစဉ်)