_0.png)
, 
ဗဟိုစာရင်းအင်းအဖွဲ့မှ အသစ်ခန့်အပ်ထားရှိသည့် ဒုတိယစာရင်းအင်းမှူး(၁၀၀) ဦး၏ လုပ်ငန်းခွင်အကြို သင်တန်း ဆင်းပွဲနှင့် ဆုချီးမြှင့်ပွဲအခမ်းအနားကို စီမံကိန်းနှင့်ဘဏ္ဍာရေး ဝန်ကြီးဌာန၊ ရုံးအမှတ်(၃၂)၊ အစည်းအဝေးခန်းမတွင် ၂၀၁၈ခုနှစ် မေလ(၁၁)ရက်နေ့၊ ညနေ (၄:၃၀) နာရီ အချိန်၌ ကျင်းပ ခဲ့ပါသည်။
အခမ်းအနားတွင် ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ သင်တန်းပြီးဆုံး၍ လုပ်ငန်းခွင်သို့ဝင်ရောက်ကြမည့် ဒုတိယစာရင်းအင်းမှူးများအား လမ်းညွှန် အမှာစကားပြောကြားပါသည်။
ထို့နောက် ညွှန်ကြားရေးမှူးချုပ် ဒေါက်တာဝါဝါမောင် နှင့် ဒုတိယညွှန်ကြားရေးမှူးချုပ် ဦးသန်းဇော်တို့မှ ဒုတိယစာရင်းအင်းမှူးများအား သင်တန်းဆင်းလက်မှတ် ချီးမြှင့်ခြင်း၊ ကွန်ပျူတာကျွမ်းကျင်မှု လက်တွေ့စာမေးပွဲ၊ ဘာသာရပ်ဆိုင်ရာ ရေးဖြေစာမေးပွဲနှင့် Presentation Skill ပြိုင်ပွဲများတွင် ဆုရရှိကြသည့် သင်တန်းသား/သူများအား ဆုချီးမြှင့်ခဲ့ ပါသည်။
အဆိုပါ လုပ်ငန်းခွင် အကြိုသင်တန်းကို ဗဟိုစာရင်းအင်းအဖွဲ့ ရုံးချုပ်တွင် (၂)လကြာ သင်ကြားပို့ချခဲ့ခြင်းဖြစ်ပါသည်။
(သတင်းစဉ်)
နေပြည်တော်၊ မေလ (၁၁) ရက်
, 