ပို့ဆောင်ရေးနှင့် ဆက်သွယ်ရေးဝန်ကြီးဌာနနှင့် မြန်မာနိုင်ငံ ကွန်ပျူတာအသင်းချုပ်တို့ ပူးပေါင်း၍ "e-Government Conference and ICT Exhibition 2017" ပြပွဲကို ၂၀၁၇ ခုနှစ် နိုဝင်ဘာလ (၇) ရက်နှင့် (၈) ရက်နေ့များတွင် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်း ဗဟိုဌာန(၂) MICC II ၌ ကျင်းပ ပြုလုပ်ခဲ့ပြီး ပြည်ထောင်စုဝန်ကြီးဌာနများ အနေဖြင့် မိမိတို့ဌာနတွင် ICT နည်းပညာအသုံးပြု၍ ဝန်ဆောင်မှုပေးလျက်ရှိသော e-Government လုပ်ငန်းများအား ပါဝင်ပြသခဲ့ကြရာ စီမံကိန်းနှင့် ဘဏ္ဍာရေးဝန်ကြီးဌာနမှ လည်း Website များ၊ လက်ကမ်းစာစောင်များ၊ Video Click များဖြင့် ပါဝင်ပြသခဲ့ပါသည်။

စီမံကိန်းနှင့် ဘဏ္ဍာရေးဝန်ကြီးဌာန၏ ပြခန်းတွင် မိုဘိုင်းဖုန်း အသုံးပြု၍ ဌာနသို့ အကြံပြုလိုသည့် အကြောင်းအရာများ၊ တိုင်ကြားလိုသည့် အကြောင်းအရာများ၊ အသနားခံ လိုသည့် အကြောင်းအရာများကို ပေးပို့နိုင်သည့် စီမံကိန်းနှင့် ဘဏ္ဍာရေးဝန်ကြီးဌာန (ပေးစာကဏ္ဍ)၊ နိုင်ငံခြားအကူအညီ သတင်းအချက်အလက် စီမံခန့်ခွဲမှု စနစ်(Aid Information Management Systems-AIMS)နှင့် မုန့်ဟင်းခါး (Mohinga) ဝက်(ဘ်)ဆိုဒ်၊  စာရင်းအင်းအချက်အလက်များကို online အသုံးပြု၍ လွယ်ကူစွာ ကြည့်ရှုနိုင်သည့် Myanmar Statistical Information Service (mmsis.gov.mm)၊ ငွေလွှဲခြင်း၊ လွှဲပို့ငွေ ထုတ်ယူခြင်း၊ ဖုန်းဘေဖြည့်ခြင်းတို့အပြင် အငြိမ်းစားလစာ ထုတ်ယူခြင်းတို့ကို မိုဘိုင်း ဖုန်းအသုံးပြု၍ ဆောင်ရွက်နိုင်သည့် Myanmar Mobile Money ၊ ထိုင်းနိုင်ငံရောက် မြန်မာများအတွက် ငွေလွှဲလုပ်ငန်း အထူးဝန်ဆောင်မှု၊ Online အသုံးပြု ငွေလွှဲဝန်ဆောင်မှု Online Remittance၊ ပင်စင်စား မိဘပြည်သူများအတွက် E-Pension Services ၊ စင်ကာပူ နိုင်ငံမှ မြန်မာနိုင်ငံသို့ အချိန်နှင့်တပြေးညီ ပိတ်ရက်မရှိ ငွေလွှဲပေးပို့နိုင်မည့် ငွေလွှဲ ဝန်ဆောင်မှု လုပ်ငန်း၊ မြန်မာအလိုအလျောက် နည်းသုံး ကုန်စည်ရှင်းလင်းရေးစနစ် (Myanmar Automated Cargo Clearance System (MACCS) ၊ မြန်မာ့အကောက်ခွန် သတင်း အချက်အလက်စနစ် (Myanmar Customs Intelligence System)၊ အခွန်ထမ်း ပြည်သူ များ အခွန်ထမ်းဆောင်ရာတွင် နိုင်ငံတကာ နည်းတူ ဘဏ်သို့ သွားရောက်ရန်မလိုပဲ MPU Card ဖြင့် ပေးသွင်းနိုင်သည့် Online Payment Syatem စသည့် ICT နည်းပညာ အသုံးပြု၍ အများပြည်သူသို့ ဝန်ဆောင်မှုပေးလျက် ရှိသော e-Government လုပ်ငန်းများကို ပြသခဲ့ပါသည်။